جۋىردا پرەمەر-مينيستردىڭ ورىنباسارى بەردىبەك ساپارباەۆ وتكىزگەن سەلەكتورلىق كەڭەستە كامەلەتكە تولماعان بالالاردى زورلىق-زومبىلىقتان قورعاۋ جانە ولاردىڭ قۇقىن ساقتاۋ ماسەلەسى جان-جاقتى ءسوز بولعان ەدى. سول جيىندا كامەلەتتىك جاسقا تولماعان بالالاردىڭ ءوز وزىنە قول جۇمسايتىنى دا اشىق ايتىلعان بولاتىن. جانە سوندا پرەمەر-ءمينيستردىڭ ورىنباسارى ءتيىستى مينيسترلىك وكىلدەرىنە الدىندا باس پروكۋراتۋرادا وتكەن زاڭدىلىقتى, قۇقىقتىق ءتارتىپتى جانە قىلمىسقا قارسى كۇرەستى قامتاماسىز ەتۋ جونىندەگى ۇيلەستىرۋ كەڭەسىنىڭ وتىرىسىندا كامەلەتكە تولماعاندارعا قاتىستى قىلمىستاردىڭ جيىلەپ كەتۋى تۋرالى ايتىلعان جايدان ەش قورىتىندى شىقپاعانىن دا جاسىرماي ەسكەرتكەن ەدى.
ەندى بايقاپ قاراساق, ۇكىمەت باسشىسى ورىنباسارىنىڭ الاڭدايتىنداي ءجونى بار ەكەن. سەبەبى, بيىك مىنبەردەن ايتىلعان مەملەكەتتىك دەڭگەيدەگى ماسەلەلەر جوعارىدان عانا ەرەن باقىلاۋ بولماسا سول جارتاس كۇيىندە تۇرىپ قالاتىن سەكىلدى. ويتكەنى, سوڭعى دەرەكتەرگە قاراساق كامەلەتكە تولماعانداردىڭ ءتارتىپ بۇزباۋىنا, قىلمىس جاساماۋىنا جاۋاپ بەرەتىن ءتيىستى مەكەمەلەردىڭ وڭ ءىسى ءالى بايقالمايدى. ماسەلەن, كولىكتەگى ىشكى ىستەر دەپارتامەنتى اعىمداعى جىلدىڭ 22-24 ماۋسىمى ارالىعىندا, ياعني بار-جوعى ءۇش كۇن عانا «جاز» اتتى جەدەل-الدىن الۋ شاراسىن وتكىزگەن ەدى.
سويتسە, اتالعان شارا بارىسىندا دەپارتامەنتتىڭ قىزمەت كورسەتۋ اۋماعى بويىنشا 101 ءجاسوسپىرىم ۇستالعان, ونىڭ 22-ءسى اكىمشىلىك قۇقىق بۇزۋشىلىق جاساعان, 78-ءسى قاراۋسىز قاڭعىپ جۇرگەندەر ەكەن. بۇل نەنى بىلدىرەدى؟ ايتىلعان سىنداردان ەش ناتيجە شىقپاعانى ما؟ سونان امال جوق, «ولاردىڭ 12-ءسى كامەلەتكە تولماعانداردى بەيىمدەۋ ورتالىعىنا جەتكىزىلدى», دەيدى اكىمشىلىك پوليتسيا باسقارماسىنىڭ اعا ينسپەكتورى گۇلنار قارسۇلتانوۆا. ارينە, ەلىمىزدە كامەلەتتىك جاسقا تولماعانداردان دا باسقالار قىلمىستىق قۇقىق بۇزۋشىلىق جاساپ جاتقانى بەلگىلى. بىراق وسى كامەلەتتىك جاسقا تولماعانداردى تاربيەلەۋ ىسىنە قاتىستى ادامداردىڭ جاۋاپكەرشىلىگى, راسىندا, الاڭداتپاي قويمايدى. ماسەلەن, وسى شارا بارىسىندا اتا-انانىڭ نەمەسە باسقا دا زاڭدى وكiلدەردiڭ بالالاردى تاربيەلەۋ جونiندەگi مiندەتتەرىن ورىنداماعان 10 ازامات اكىمشىلىك جاۋاپكەرشىلىككە تارتىلعان. وعان قوسا زاڭدى وكىلدەرىنسىز ۇيلەرىنەن تىس جەردە جۇرگەن 21 ءجاسوسپىرىم ۇستالعان.
ەندى وسىنداي كامەلەتتىك جاسقا تولماعاندار ءتارتىبىن قاتاڭ قاداعالاۋ بويىنشا جانە «استانا كۇنى» مەرەكەسىنە وراي ەلىمىزدىڭ تەمىرجول كولىگى مەن اۋەجايلارىندا قوعامدىق ءتارتىپ پەن قاۋىپسىزدىكتى قامتاماسىز ەتۋ ماقساتىندا كولىكتەگى ىشكى ىستەر دەپارتامەنتى قىزمەت وتكەرۋدىڭ كۇشەيتىلگەن تارتىبىنە كوشپەك. ايتپەسە جاسوسپىرىمدەر جايىن ويلايتىن جاندار از سەكىلدى. ولاردىڭ ويلانباي قىلمىس جاساپ, تاعدىرلارى تالكەككە قالماس ءۇشىن الدىن العان ابزال ءىس قوي.
الەكساندر تاسبولاتوۆ,
«ەگەمەن قازاقستان».