كەشە مەملەكەتتىك حاتشى گۇلشارا ابدىقالىقوۆا ەلدىڭ ۇزدىك جۋرناليستەرىنە بايلانىس جانە اقپارات قىزمەتكەرلەرى كۇنىنە بايلانىستى بەرىلەتىن قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارى مەن گرانتتارىن تاپسىرىپ, العىستارىن جاريالادى.
الدىمەن مەملەكەتتىك حاتشى بيىلعى سىيلىقتار مەن گرانتتاردى الۋ قۇرمەتىنە يە بولعان قالامگەرلەردى جانە مەملەكەت باسشىسىنىڭ العىسىن العان شىعارماشىلىق ۇجىمداردى, سونداي-اق, قازاقستاننىڭ بارشا جۋرناليستەر قاۋىمىن كاسىبي مەرەكەلەرى – بايلانىس جانە اقپارات قىزمەتكەرلەرى كۇنىمەن قۇتتىقتادى.
– قازاقستاننىڭ بۇقارالىق اقپارات قۇرالدارى ازاماتتىق قوعامنىڭ ماڭىزدى بولشەگى رەتىندە بيلىك ورگاندارى مەن ەل ازاماتتارى اراسىنداعى دانەكەر قىزمەتىن اتقارىپ قانا قويمايدى, سونىمەن قاتار رەسپۋبليكانىڭ بارلىق تابىستارى مەن جەتىستىكتەرىنە لايىقتى ۇلەس قوسادى, ورتاق شاڭىراعىمىزداعى تاتۋلىق پەن كەلىسىمدى نىعايتادى, – دەدى گ.ابدىقالىقوۆا.
ودان ءارى مەملەكەتتىك حاتشى قازاقستان حالقىن ۇيىستىرۋ, پاتريوتيزمگە تاربيەلەۋ, ەلىمىزدى بارىنشا دامىعان 30 مەملەكەت قاتارىنا قوسۋ جونىندەگى ستراتەگيالىق مىندەتتەردى جۇزەگە اسىرۋ ىسىندە وتاندىق باق قىزمەتىنىڭ زور ىقپالى بار ەكەنىن اتاپ كورسەتتى.
– قازاقستاننىڭ بۇقارالىق اقپارات قۇرالدارىنىڭ ساپاسى مەن كاسىبي تۇرعىدان جەتىلۋىن ىنتالاندىرۋ ءۇشىن مەملەكەت باسشىسىنىڭ ارناۋلى ماراپاتتارى تاعايىندالعان بولاتىن. جىل سايىن بەرىلەتىن وسى ماراپاتتاردى تاپسىرۋ ارقىلى ءبىز ەلدىڭ مەدياكەڭىستىگىنىڭ ەڭ لايىقتى, تالانتىن بارىنشا جارقىراتىپ كورسەتكەن وكىلدەرىن اتاپ وتەمىز, – دەدى مەملەكەتتىك حاتشى گ.ءابدىقالىقوۆا.
ءسويتىپ, مەملەكەت باسشىسىنىڭ وكىمىمەن قازاقستان رەسپۋبليكاسى پرەزيدەنتىنىڭ بيىلعى سىيلىقتارى «ەگەمەن قازاقستان» رەسپۋبليكالىق گازەتىنىڭ باس رەداكتورى جانبولات اۋپباەۆقا – ۇلى وتان سوعىسىنداعى جەڭىستىڭ 70 جىلدىعىنا ارنالعان ماتەريالدار توپتاماسى جانە ۇلتتىق بۇقارالىق اقپارات قۇرالدارىن دامىتۋعا قوسقان زور شىعارماشىلىق ۇلەسى ءۇشىن بەرىلدى.
سونداي-اق پرەزيدەنت سىيلىعى «ەكسپرەسس-ك» گازەتى رەداكتسياسى» جشس باس ديرەكتورى بولعان مارقۇم الەكسەي پانعا – ەلدىڭ اقپاراتتىق كەڭىستىگى دەڭگەيىن ورىستەتۋگە باعىتتالعان قىزمەتى, وتاندىق جۋرناليستيكانى دامىتۋعا قوسقان ۇلەسى ءۇشىن بەرىلدى.
بيىلعى مەملەكەت باسشىسىنىڭ گرانتتارى «ارشا» مەدياستۋدياسىنىڭ پروديۋسەرى زاريتسا ەسەكەەۆاعا (زارينا مۇحامەدالىگە) – رەسپۋبليكانىڭ الەۋمەتتىك-ەكونوميكالىق دامۋى ءجانە مونوقالالارىن مەملەكەتتىك قولداۋ تۋرالى «24 KZ» تەلەارناسىنداعى «بولشيە گورودا» – «دارحان قالا» اتتى اۆتورلىق جوباسى ءۇشىن; «حابار» تەلەارناسى باعدارلامالار ءوندىرىسى ديرەكتسياسىنىڭ باس پروديۋسەرى رينات كەرتاەۆقا قازاقستاندىق تەلەۆيزيانى دامىتۋعا قوسقان شىعارماشىلىق ۇلەسى ءۇشىن تاپسىرىلدى.
پرەزيدەنت العىستارى رەسپۋبليكالىق قوعامدىق-ساياسي «دوستىق-درۋجبا» جۋرنالىنىڭ شىعارماشىلىق ۇجىمىنا قازاقستاندىق ءپاتريوتيزمدى قالىپتاستىرۋعا, قوعامداعى ەتنوسارالىق كەلىسىمدى نىعايتۋعا قوسقان ەلەۋلى ۇلەسى ءۇشىن; وڭىرلىك قوعامدىق-ساياسي «جەتىسۋ» گازەتىنىڭ شىعارماشىلىق ۇجىمىنا ايماقتاعى مەملەكەتتىك باعدارلامالاردىڭ ورىندالۋ بارىسىن تەرەڭ ءارى جان-جاقتى جاريالاپ-كورسەتكەنى ءۇشىن; «قازاقستان» ۇلتتىق تەلەارناسىنىڭ شىعارماشىلىق ۇجىمىنا مەملەكەتتىك ساياساتتىڭ جۇزەگە اسىرىلۋ بارىسىن بەلسەندى جاريالاپ كورسەتكەنى جانە وتاندىق اقپارات كەڭىستىگىن دامىتۋعا قوسقان زور ۇلەسى ءۇشىن; «كوكجيەك» جانە «وت ي دو» راديوباعدارلامالارىنىڭ شىعارماشىلىق ۇجىمىنا ەۋرازيالىق ەكونوميكالىق وداق جۇمىسى اياسىندا ماڭىزدى مەملەكەتتىك باعدارلامالاردىڭ جۇزەگە اسىرىلۋ بارىسىن جاريالاپ-كورسەتكەنى ءۇشىن; («نوۆوستي-كازاحستان» اقپارات اگەنتتىگى مەن «استانا» راديوسىنىڭ بىرلەسكەن جوباسى); كوممەرتسيالىق ەمەس «قازاقستان رەسپۋبليكاسى پرەزيدەنتىنىڭ تەلەراديوكەشەنى» اكتسيونەرلىك قوعامىنىڭ شىعارماشىلىق ۇجىمىنا قازاقستان تۋرالى وزەكتى تەلەۆيزيالىق جوبالار جاساۋ ارقىلى وتاندىق قۇجاتتانۋ سالاسىن دامىتۋعا قوسقان ەلەۋلى ۇلەسى ءۇشىن; اقپاراتتىق-ساراپتامالىق «ءتىل» جۋرنالىنىڭ شىعارماشىلىق ۇجىمىنا الەۋمەتتىك-ەكونوميكالىق رەفورمالاردىڭ جۇزەگە اسىرىلۋ بارىسىن, مەملەكەتتىك ءتىلدى جانە ۇلتتىق ءمادەنيەتتى دامىتۋ ماسەلەلەرىن بەلسەندى جاريالاپ-كورسەتكەنى ءۇشىن; اقپاراتتىق-سپورتتىق «Vesti.kz» پورتالىنىڭ ۇجىمىنا سالاماتتى ءومىر سالتىن كەڭىنەن ناسيحاتتاعانى جانە قازاقستاننىڭ سپورت جۋرناليستيكاسىن دامىتۋعا قوسقان زور ۇلەسى ءۇشىن جاريالاندى.
شارا بارىسىندا بىرقاتار ماراپاتتالعاندار سويلەپ, وزدەرىنىڭ ەڭبەكتەرىنىڭ ەلەنگەندىگى ءۇشىن ريزاشىلىقتارىن ءبىلدىردى.
جاقسىباي سامرات,
«ەگەمەن قازاقستان».