كەشە ەلورداداعى «داۋلەت» سپورت كەشەنىندە قازاقستان رەسپۋبليكاسى پرەزيدەنتتىگىنە كانديدات نۇرسۇلتان ءابىش ۇلى نازارباەۆتى قولداۋعا ارنالعان فورۋم بولىپ ءوتتى. ءسويتىپ, اتالعان شارا سايلاۋ ناۋقانىنىڭ ۇگىت كەزەڭىن اشىپ بەردى.
فورۋمعا قاتىسۋشىلار – رەسپۋبليكالىق قوعامدىق شتاب پەن استانا قالالىق قوعامدىق شتابىنىڭ مۇشەلەرى جانە قازاقستان رەسپۋبليكاسى پرەزيدەنتتىگىنە كانديداتتىڭ ساياسي پارتيالار, ۇكىمەتتىك ەمەس ۇيىمدار, عىلىمي جانە شىعارماشىل ينتەلليگەنتسيا, قازاقستان رەسپۋبليكاسى پارلامەنتى مەن استانا قالاسى ءماسليحاتىنىڭ دەپۋتاتتارى, جاستار بەلسەندىلەرى, سپورتشىلار, سونداي-اق, بيزنەس وكىلدەرى ساناتىنداعى سەنىم بىلدىرىلگەن ادامدار بولدى.
شاراعا قازاقستان پرەزيدەنتتىگىنە كانديدات ن.نازارباەۆتىڭ رەسپۋبليكالىق قوعامدىق شتابىنىڭ باسشىسى مۇحتار قۇل-مۇحاممەد, حالىق قاھارمانى باقىتجان ەرتاەۆ, قازاقستاننىڭ ەڭبەك ەرى ايمان مۇساقوجاەۆا, جەتەكشى ساياسي پارتيالار باسشىلارى, قازاقستان حالقى اسسامبلەياسى توراعاسىنىڭ ورىنباسارى اناتولي باشماكوۆ, ت.ب. قاتىستى.
«قازاقستان رەسپۋبليكاسىنىڭ نەگىزىن قالاۋشى جانە تۇڭعىش پرەزيدەنتىنىڭ ارقاسىندا ءبىز تاۋەلسىزدىك جىلدارىندا ءجۇز جىلدارعا تەڭ جولدان وتتىك! ءبىزدىڭ كوشباسشىمىزدىڭ ارقاسىندا بارلىق قازاقستاندىقتار بەيبىتشىلىك پەن كەلىسىمدە ءومىر ءسۇرىپ كەلەدى! ءبىزدىڭ ەلباسىنىڭ ارقاسىندا ءبىز قۋاتتى, ءوسىپ-وركەندەگەن, باسەكەگە قابىلەتتى, بۇكىل الەمدە قۇرمەتكە يە مەملەكەت قۇردىق! ءبىزدىڭ پرەزيدەنتىمىزدىڭ ارقاسىندا تۋربۋلەنتتىلىك جاعدايلارىندا ءبىز قوعامىمىزدىڭ ساياسي, ەكونوميكالىق جانە الەۋمەتتىك سالالارىن تابىستى جاڭعىرتا الدىق! نۇرسۇلتان نازارباەۆتىڭ ارقاسىندا ەلىمىزدە تاماشا «2050» ستراتەگياسى قابىلدانسا, وندا مەملەكەتىمىزدىڭ ستراتەگيالىق ماقساتتارى مەن باعدارلارى انىق تا ناقتى جازىلعان! نازارباەۆتىڭ ارقاسىندا «نۇرلى جول» باعدارلاماسى – ەلىمىزدىڭ, سونداي-اق, ءار وتباسىنىڭ ەكونوميكالىق ءوسىمى مەن يگىلىگىنىڭ دۇرىس باعىتى جاسالدى! سوندىقتان مەن تۋرا ءبىر ايدان سوڭ وسى فورۋمعا قاتىسۋشىلار, بارلىق قازاقستاندىقتار سەكىلدى, وزدەرىنىڭ سايلاۋ ۋچاسكەلەرىنە كەلىپ, وزدەرىنىڭ داۋىستارىن وزدەرىنىڭ بولاشاقتارى, وزدەرىنىڭ بالالارى مەن نەمەرەلەرىنىڭ بولاشاقتارى ءۇشىن, ءار وتباسىنىڭ يگىلىگى, مەملەكەتىمىزدىڭ ءوسىپ-وركەندەۋى, قازاقستان رەسپۋبليكاسى دەپ اتالاتىن تۋعان وتانىمىزداعى بەيبىتشىلىك پەن تۇراقتىلىق ءۇشىن بەرەتىنىنە نىق سەنىمدىمىن. وسىنىڭ بارلىعىنا ءبىزدى تەك الەمدىك وركەنيەتتىڭ شىڭىنا باستاپ كەلە جاتقان ەلباسى نۇرسۇلتان نازارباەۆ قانا كەپىلدىك بەرە الادى. تەك ەلباسىمەن عانا جاڭا جەڭىستەرگە جەتەمىز, قىمباتتى دوستار!», – دەدى مۇحتار قۇل-مۇحاممەد.
شاراعا قاتىسۋشىلار 2015 جىلدىڭ 26 ساۋىرىندە وتەتىن سايلاۋدا ەلباسى نۇرسۇلتان نازارباەۆتى قولداۋعا دايىن ەكەندىكتەرىن ءبىلدىردى.
فورۋمدا سايلاۋالدى ناۋقانى شەڭبەرىندە ۇگىت جۇمىستارى باستالىپ وتىرعانى اتاپ ءوتىلدى. ماسەلەن, تەك استانا قالاسى بويىنشا عانا كانديداتتىڭ 535 سەنىم بىلدىرىلگەن ادامى جۇمىس ىستەيتىن بولادى.
سونداي-اق, كەشە بۇكىل ەلىمىز بويىنشا قازاقستان رەسپۋبليكاسى پرەزيدەنتتىگىنە كانديدات ن.ءا.نازارباەۆتىڭ 224 قوعامدىق قابىلداۋى ءوز جۇمىسىن باستادى. رەسپۋبليكالىق قوعامدىق قابىلداۋدىڭ اشىلۋىنا پرەزيدەنتتىككە كانديدات ن.ءا.نازارباەۆتىڭ رەسپۋبليكالىق قوعامدىق شتابىنىڭ باسشىسى مۇحتار قۇل-مۇحاممەد قاتىستى.
قوعامدىق قابىلداۋلار ۇستىمىزدەگى جىلدىڭ 24 ساۋىرىنە دەيىن جۇمىس ىستەيتىن بولادى. قوعامدىق قابىلداۋلاردىڭ نەگىزگى مىندەتتەرى ازاماتتاردان ۇسىنىستار مەن تىلەكتەر قابىلداۋ, پرەزيدەنتتىككە كانديدات ن.ءا.نازارباەۆتىڭ سايلاۋالدى تۇعىرناماسىن ناسيحاتتاۋ جانە سايلاۋ زاڭناماسىن ءتۇسىندىرۋ بولىپ تابىلادى.
قوعامدىق قابىلداۋلاردا قازاقستان رەسپۋبليكاسى پرەزيدەنتتىگىنە كانديدات ن.ءا.نازارباەۆتىڭ شامامەن 600-دەي سەنىم بىلدىرىلگەن ادامى تاڭەرتەڭگى ساعات 9-دان كەشكى 19-عا دەيىن جۇمىس كۇندەرى, تاڭەرتەڭگى ساعات 9-دان تۇسكى ساعات 13-كە دەيىن سەنبى كۇندەرى سايلاۋشىلاردى قابىلدايتىن بولادى.
قازاقستان رەسپۋبليكاسى پرەزيدەنتتىگىنە كانديدات ن.ءا.نازارباەۆتىڭ رەسپۋبليكالىق قوعامدىق قابىلداۋى استانا قالاسى, كەنەسارى كوشەسى, 25 مەكەنجايداعى «نۇر وتان» پارتياسىنىڭ عيماراتىندا ورنالاسقان.
رەسپۋبليكالىق قوعامدىق قابىلداۋدىڭ ءبىرىنشى كۇنى بىرقاتار ازاماتتى مۇحتار قۇل-مۇحاممەد قابىلدادى.
رەسپۋبليكالىق قوعامدىق شتابتىڭ باسشىسى قوعامدىق قابىلداۋلاردىڭ قىزمەتى ن.ءا.نازارباەۆ «نۇر وتان» پارتياسىنىڭ ءحVى سەزىندە ەل الدىنا قويعان بەس شەشۋشى مىندەتتى تابىستى جۇزەگە اسىرۋعا سۇبەلى ۇلەس قوساتىنىنا سەنىم ءبىلدىردى.
«نۇرسۇلتان ءابىش ۇلى قازاقستاننىڭ تاعدىرى رەسپۋبليكانىڭ ءار ازاماتىنا تىكەلەي بايلانىستى دەپ كەزدەيسوق ايتقان جوق. قوعامدىق قابىلداۋلار قازاقستاندىقتارعا ەلىمىزدى نىعايتۋ مەن دامىتۋعا قاتىسۋعا تاماشا مۇمكىندىكتەر بەرەدى», دەپ اتاپ ءوتتى مۇحتار قۇل-مۇحاممەد.
رەسپۋبليكالىق قوعامدىق شتابتىڭ باسشىسى ازاماتتاردىڭ ەڭ قىزىقتى دا قۇندى ۇسىنىستارى مىندەتتى تۇردە ن.ءا.نازارباەۆقا جەتكىزىلەتىنىنە سەندىردى.