قازاقستاندا 30 ەلدى مەكەندى سۋ باسۋ قاۋپى بار. بۇل تۋرالى توتەنشە جاعدايلاردىڭ الدىن الۋ كوميتەتىنىڭ توراعاسى سەرىك جۇنىسبەكوۆ ايتتى, دەپ حابارلايدى Egemen.kz.
ماسەلە سولتۇستىك قازاقستان, اقمولا, قاراعاندى, شىعىس قازاقستان وبلىستارى مەن اباي وبلىسىنداعى ەلدى مەكەندەر تۋرالى بولىپ وتىر.
«بىلتىرعىداي «قازگيدرومەتتىڭ» بولجام دەرەكتەرى نەگىزىندە Tasqyn اقپاراتتىق جۇيەلەرى مەن سۋ رەسۋرستارى جانە يرريگاتسيا مينيسترلىگىنىڭ Talsim-NG باعدارلامالىق جاساقتاماسى ارقىلى سۋ تاسقىنى كەزەڭىنە ىقتيمال قاۋىپتەردى مودەلدەۋ جۇمىستارى جالعاسىپ ەاتىر. قازىرگى ۋاقىتتا اتالعان اقپاراتتىق جۇيەلەر 30 ەلدى مەكەن ءۇشىن ىقتيمال قاۋىپتەردى مودەلدەدى», دەپ ءتۇسىندىردى جۇنىسبەكوۆ وكق-داعى بريفينگ بارىسىندا.
سونداي-اق كوميتەت توراعاسى تجم كۇش پەن قۇرالدار رەزەرۆى تۇراقتى دايىندىقتا ەكەنىن ايتتى, بۇل 930 ادام, ءارتۇرلى ماقساتتاعى 113 تەحنيكا, 99 سۋ سورعىش جانە 35 ءجۇزۋ قۇرالى.
«قاجەت بولعان جاعدايدا, الگوريتمگە سايكەس تجم اۆياتسياسى, ۇلتتىق ۇلان, قورعانىس مينيسترلىگى, ۇلتتىق قاۋىپسىزدىك كوميتەتىنىڭ بولىمشەلەرى مەن «قازاقستان تەمىر جولى» تەمىرجول كولىگىن تارتىلادى», دەپ قورىتىندىلادى سەرىك جۇنىسبەكوۆ.
ۇلىتاۋ وبلىسىندا سۋ تاسقىنى قاۋپى بار اۋداندار تەكسەرىلدى
ەسكە سالايىق, 5 ناۋرىزدا پرەمەر-مينيستر ولجاس بەكتەنوۆ اكىمدەرگە ءبىر اپتا ىشىندە سۋ تاسقىنى تاۋەكەلدەرىن زەرتتەپ, قاجەتتى شارالاردى قابىلداۋدى جانە جەرگىلىكتى جەرلەرگە بارىپ تەكسەرۋدى تاپسىرعان ەدى.
قازاقستان جولدارىندا سۋ تاسقىنى قاۋپى بار 200-دەن استام ۋچاسكە انىقتالدى