2015 جىلعى 26 ساۋىرگە تاعايىندالعان قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن ازىرلەۋ مەن وتكىزۋ جونىندەگى نەگىزگى ءىس-شارالاردىڭ كۇنتىزبەلىك جوسپارىنا سايكەس, 25 ناۋرىزدا قازاقستان رەسپۋبليكاسىنىڭ پرەزيدەنتتىگىنە كانديداتتاردى تىركەۋ اياقتالعان ەدى.
«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 59-بابى 7-تارماعىنىڭ 3) تارماقشاسىنا سايكەس, تىركەۋ ءۇشىن بارلىق قاجەتتى قۇجاتتاردى تابىس ەتپەۋىنە بايلانىستى قازاقستان رەسپۋبليكاسى ورتالىق سايلاۋ كوميسسياسى ليمانا قويشيەۆانى, قانات سباش ۇلى تۋراگەلديەۆتى, جارىلقاپ سەيدلا ۇلى قالىباي مەن حاسەن كارىمجان ۇلى قوجا-احمەتتى قازاقستان رەسپۋبليكاسىنىڭ پرەزيدەنتتىگىنە كانديدات رەتىندە تىركەۋدەن باس تارتۋ تۋرالى قاۋلىلار قابىلدادى.
وسىلايشا, قازاقستان رەسپۋبليكاسى ورتالىق سايلاۋ كوميسسياسى قازاقستان رەسپۋبليكاسىنىڭ پرەزيدەنتتىگىنە كانديدات رەتىندە:
نۇرسۇلتان ءابىش ۇلى نازارباەۆتى
تۇرعىن ىسقاق ۇلى سىزدىقوۆتى
ابىلعازى قالياقپار ۇلى قۇسايىنوۆتى تىركەدى.
26 ناۋرىزدان باستاپ بارلىق ءتىركەلگەن كانديداتتار سايلاۋ الدىنداعى ۇگىتكە كىرىسۋگە قۇقىلى بولاتىن. وسىعان بايلانىستى ورتالىق سايلاۋ كوميسسياسى قازاقستان رەسپۋبليكاسىنىڭ پرەزيدەنتتىگىنە كانديداتتاردىڭ رەسپۋبليكالىق بيۋدجەت قاراجاتىنان جابىلاتىن شىعىستارىنىڭ ءمولشەرلەرىن بەلگىلەۋ تۋرالى قاۋلى قابىلدادى.
سايلاۋ زاڭناماسىنا سايكەس مەملەكەت كانديداتتارعا ءوز باعدارلامالارىمەن بۇقارالىق اقپارات قۇرالدارىنا شىعۋى ءۇشiن بiردەي قاراجات بولiنۋىنە كەپiلدiك بەرەدi. ءاربiر كانديداتتىڭ تەلەديداردان ون بەس مينۋتتىق ءسوز سويلەۋiنە, راديودان ون مينۋتتىق ءسوز سويلەۋىنە, سونداي-اق, باسپا باسىلىمدارىندا 0,1 باسپا تاباقتان اسپايتىن كولەمدە ەكi ماقالا جاريالاۋىنا قاراجات بەرiلەدi.
باق-تاردا سايلاۋ الدىنداعى ۇگىتتى جۇرگىزۋ ءۇشىن كانديداتتارعا بولىنەتىن سومالاردىڭ ەسەبى ينۆەستيتسيالار جانە دامۋ جونىندەگى مينيسترلىگىنىڭ بايلانىس, اقپاراتتاندىرۋ جانە اقپارات كوميتەتى ۇسىنعان قولدانىستاعى باعالارعا سايكەس جۇرگىزىلدى.
تەلەديداردان ون بەس مينۋتتىق ءسوز سويلەۋىنە كانديداتتارعا 5 250 000 تەڭگە سوماسىندا قاراجات بولىنەدى. راديودان ءوز باعدارلاماسىمەن ون مينۋتتىق ءسوز ءسويلەۋىنە ءاربىر كانديداتقا 200 000 تەڭگە بولىنەدى. باسپا باسىلىمدارىندا ەكى ماقالا جاريالاۋىنا ءاربىر كانديداتقا 810 000 تەڭگە بولىنەدى.
سونىمەن قاتار, كانديداتتارعا سايلاۋشىلارمەن كەزدەسۋلەر ءۇشىن ءۇي-جايدى جالعا الۋعا 200 000 تەڭگە سوماسىندا, ۇگىتتىك باسپا ماتەريالدارىن باسىپ شىعارۋعا 250 000 تەڭگە سوماسىندا قاراجات بولىنەدى. تىركەلگەن ءاربىر كانديداتتىڭ كولىكتىك شىعىستارىنا تاعى 300 000 تەڭگەدەن بولىنەدى.
سونداي-اق, ورتسايلاۋكوم قازاقستان رەسپۋبليكاسى سىرتقى ىستەر مينيسترلىگىنىڭ ۇسىنىمى بويىنشا 25 ناۋرىزدا تاعى 9 حالىقارالىق بايقاۋشىنى ءتىركەدى. ولاردىڭ 5-ەۋى تمد-دان بايقاۋشىلار ميسسياسىنىڭ وكىلى (ەكەۋى بەلارۋس رەسپۋبليكاسىنان جانە ۇشەۋى تاجىكستان رەسپۋبليكاسىنان), 4-ەۋى شەت مەملەكەتتەردىڭ وكىلدەرى (كانادا, ليتۆا, فينليانديا جانە چەحيادان ءبىر-بىردەن).
«ەگەمەن-اقپارات».