قازاقستانداعى قۇرىلىس سەكتورى ەل ەكونوميكاسىنىڭ نەگىزگى قوزعاۋشى كۇشتەرىنىڭ ءبىرى بولىپ قالا بەرەدى. 2025 جىلدىڭ قورىتىندىسى بويىنشا قۇرىلىس سەكتورى ءىجو-ءنىڭ 6,1%-ىن نەمەسە 9,6 ترلن تەڭگەنى قۇرادى. بۇل رەتتە ەلىمىزدىڭ قۇرىلىس سالاسى ءبىر جىل ىشىندە 15,9%-عا ءوستى, بۇل – ەكونوميكانىڭ بارلىق سالالارى اراسىنداعى ەڭ ۇزدىك كورسەتكىشتەردىڭ ءبىرى, دەپ جازادى Egemen.kz.
2025 جىلى پايدالانۋعا بەرىلگەن تۇرعىن ءۇي اۋدانى 20 ملن شارشى مەتردەن استى, ونىڭ 90%-ى جەكە قۇرىلىس كومپانيالارى ارقىلى سالىندى. جالپى تۇرعىن ءۇي قورى 447,3 ملن شارشى مەترگە جەتىپ, اداما باسىنا شاققانداعى تۇرعىن ءۇي كولەمى 25,1 شارشى مەتر بولدى.
سالىق كودەكسىندەگى تۇزەتۋلەر قاشان كۇشىنە ەنەدى؟
قۇرىلىس سەكتورى تەك الەۋمەتتىك-ەكونوميكالىق تيىمدىلىكتى عانا ەمەس, مەملەكەتتىك بيۋدجەتتىڭ نەگىزگى دونورى ەكەنىن دە كورسەتەدى. 2025 جىلى ەڭ ءىرى قۇرىلىس كومپانيالارىنىڭ سالىق تولەمدەرى:
BI Group – 90 ملرد تەڭگە, سوڭعى بەس جىلدا 300 ملرد تەڭگە شاماسىندا.
«قازاۆتوجول» ۇلتتىق كومپانياسى – 28,2 ملرد تەڭگە.
«سەنىمدى قۇرىلىس» جشس – 26,3 ملرد تەڭگە, جىلدىق سالىستىرمالى تۇردە 54,5% تومەندەگەن.
BAZIS-A – 24,2 ملرد تەڭگە.
«Integra Construction KZ» جشس – 22,7 ملرد تەڭگە.
بارلىق 26 ءىرى قۇرىلىس كومپانياسى 2025 جىلى جالپى 312 ملرد تەڭگەدەن استام سالىق تولەگەن, بۇل 2024 جىلمەن سالىستىرعاندا 10%-عا جوعارى.
ەلىمىزدىڭ ماركەتپلەيستەرى نەگە شەتەلدىك الپاۋىتتاردان كوپ سالىق تولەيدى؟
وسىلايشا, قۇرىلىس سەكتورى ەل ەكونوميكاسىنىڭ بەلسەندىلىگىن ارتتىرۋمەن قاتار, بيۋدجەتكە ەلەۋلى سالىق ءتۇسىمىن قامتاماسىز ەتەتىن ماڭىزدى باعىتقا اينالدى.