15 ناۋرىز كۇنى الماتى قالاسىندا رەسپۋبليكالىق رەفەرەندۋم ءوتىپ جاتقان ۋاقىتتا 44 ءسابي دۇنيەگە كەلدى. قالا اكىمدىگىنىڭ مالىمەتىنشە, سول كۇنى پەرزەنتحانالاردا جاتقان 558 ايەل داۋىس بەرۋگە دە مۇمكىندىك العان, دەپ حابارلايدى Egemen.kz.
الماتى قالاسىنىڭ پەرزەنتحانالارىندا 15 ناۋرىز كۇنى ساعات 00:00-دەن 14:00-گە دەيىن 44 ءسابي دۇنيەگە كەلدى. ولاردىڭ 21-ءى ۇل, 23-ءى قىز بالا.
دارىگەرلەردىڭ ايتۋىنشا, جاڭا تۋعان نارەستەلەر مەن ولاردىڭ انالارىنىڭ جاعدايى جاقسى, بارلىعى مامانداردىڭ باقىلاۋىندا.
ەلىمىزدە كونستيتۋتسيا ەسىمدى قانشا ادام بار؟
قالالىق اكىمدىكتىڭ حابارلاۋىنشا, وسى كۇنى بوساندىرۋ قىزمەتىن كورسەتەتىن مەديتسينالىق ۇيىمداردا پاتسيەنتتەردىڭ رەسپۋبليكالىق رەفەرەندۋمعا قاتىسۋىنا مۇمكىندىك ۇيىمداستىرىلدى.
ءۇش پەريناتالدىق ورتالىق پەن ءۇش پەرزەنتحانادا ستاتسيوناردا ەم الىپ جاتقان جۇكتى جانە بوسانعان 558 ايەل داۋىس بەرۋگە قاتىستى.
قازاقستاندا رەفەرەندۋمعا ارنالعان سايلاۋ ۋچاسكەلەرى جابىلدى
پاتسيەنتتەر ءۇشىن داۋىس بەرۋ پروتسەسى ەمدەۋ جانە بوسانعاننان كەيىنگى قالپىنا كەلۋ ءتارتىبىن بۇزباي وتكىزىلدى.
ايتا كەتەيىك, 15 ناۋرىز كۇنى قازاقستاندا جاڭا كونستيتۋتسيا جوباسى بويىنشا رەسپۋبليكالىق رەفەرەندۋم ءوتتى. داۋىس بەرۋ ۋچاسكەلەرى ساعات 07:00-دەن 20:00-گە دەيىن جۇمىس ىستەدى.
رەفەرەندۋمدا داۋىس بەرگەندەر سانى 9 ميلليوننان استى