ەلىمىزدىڭ تۇڭعىش پرەزيدەنتى نۇرسۇلتان نازارباەۆ جاڭا كونستيتۋتسيانى قابىلداۋعا قاتىستى رەسپۋبليكالىق رەفەرەندۋمدا داۋىس بەردى. ول تاڭداۋىن ەلورداداعى «استانا وپەرا» تەاترى اۋماعىندا ورنالاسقان ۋچاسكەدە جاسادى, دەپ جازادى Egemen.kz.
ايتا كەتەيىك, ەل كولەمىندە رەفەرەندۋم 2026 جىلعى 15 ناۋرىزدا ءوتىپ جاتىر. داۋىس بەرۋ ۋچاسكەلەرى ازاماتتار ءۇشىن تاڭعى ساعات 07:00-دە اشىلىپ, كەشكى 20:00-گە دەيىن جۇمىس ىستەيدى, ال جەكەلەگەن اۋماقتىق كوميسسيالار قاجەت بولعان جاعدايدا ۋاقىت ءتارتىبىن ىڭعايعا قاراي بەلگىلەي الادى.
بيىلعى جالپىحالىقتىق داۋىس بەرۋگە ءبىر عانا سۇراق شىعارىلدى: «بۇقارالىق اقپارات قۇرالدارىندا 2026 جىلعى 12 اقپاندا جاريالانعان جوباسى بويىنشا قازاقستان رەسپۋبليكاسىنىڭ جاڭا كونستيتۋتسياسىن قابىلدايسىز با؟» دەگەن ساۋالعا ازاماتتار ءوز ۇستانىمىن بىلدىرەدى.
رەفەرەندۋم 2026 جىلعى 15 ناۋرىزعا پرەزيدەنت جارلىعىمەن بەلگىلەنگەن.
ەسكە سالاي كەتەيىك, ءبىرىنشى پرەزيدەنت بۇدان ەكى جىل بۇرىنعى اەس قۇرىلىسى بويىنشا رەفەرەندۋمدا دا تاڭداۋىن جاساعان بولاتىن.