بۇگىن الماتىدا 170 «ينۆاتاكسي» كولىگى, سونىڭ ىشىندە 36 ارنايى جابدىقتالعان ماشينا مەن 134 جەڭىل اۆتوموبيل جۇمىلدىرىلادى. قوسىمشا 20 كەزەكشى ماشينا جۇمىس ىستەيدى, دەپ جازادى Egemen.kz.
قىزمەت كرەسلو-اربامەن ءجۇرىپ-تۇراتىن جانە تىرەك-قيمىل اپپاراتى بۇزىلعان ازاماتتارعا, سونداي-اق كورۋ قابىلەتى بۇزىلعان ادامدارعا ارنالعان.
«ينۆاتاكسي» قىزمەتى ەندى تاۋلىك بويى قولجەتىمدى. بۇرىن تاسىمالداۋ تەك كۇندىزگى ۋاقىتتا عانا جۇزەگە اسىرىلاتىن, بۇل اۋرۋحاناعا بارعاندا, شۇعىل جاعدايلاردا نەمەسە قوعامدىق ءىس-شارالارعا قاتىسۋدا قيىندىقتار تۋعىزاتىن. الماتىدا سەرۆيستى 3 100 ادام پايدالانادى, ولاردىڭ 2 215-ءى بەلسەندى پايدالانۋشىلار.
بالقاشتىق عاسىر انا رەفەرەندۋمدا داۋىس بەردى
«ينۆاتاكسي» − مۇگەدەكتىگى بار ادامدارعا ارنالعان مامانداندىرىلعان كولىك. جوبا بالالار مەن ەرەسەكتەرگە قالا بويىنشا ءجۇرىپ-تۇرۋعا جانە مەديتسينالىق مەكەمەلەر مەن ءبىلىم بەرۋ ۇيىمدارىن قوسا العاندا, الەۋمەتتىك ينفراقۇرىلىم نىساندارىنا بارۋعا مۇمكىندىك بەرەدى.
15 ناۋرىز كۇنى «ينۆاتاكسي» قىزمەتى تەگىن بولادى