تۇركىستان وبلىسىندا «بايدىبەك اتا» جانە «قاراقۋىc» سۋ قويمالارىنىڭ قۇرىلىسى اياقتالۋعا جاقىن. «بايدىبەك اتا» سۋ قويماسى تۇركىستان وبلىسىنىڭ بايدىبەك اۋدانىندا, بالابوگەن مەن ۇلكەن بوگەن وزەندەرى توعىساتىن جەردە, 860 گەكتار اۋماقتا سالىنىپ جاتىر, دەپ جازادى Egemen.kz.
نىسان ۆەگەتاتسياارالىق كەزەڭدە سۋدى جيناپ, ال ۆەگەتاتسيا كەزەڭىندە قوسىمشا سۋ كولەمىن بوگەن سۋ قويماسىنا ءتيىمدى باعىتتاۋعا مۇمكىندىك بەرەدى. قازىرگى ۋاقىتتا جوبا بويىنشا جۇمىستاردىڭ 80%-ى ورىندالدى.
«بايدىبەك اتا» سۋ قويماسىنان بوگەن سۋ قويماسىنا سۋ جىبەرۋدى رەتتەۋ ءۇشىن «سارقىراما» كانالى سالىنىپ جاتىر. ۇزىندىعى 21,7 كم بولاتىن بۇل نىسان سەكۋندىنا 12 تەكشە مەتر سۋ وتكىزە الادى, سونداي-اق 2,5 مىڭ گەكتار سۋارمالى جەردى سۋمەن قامتاماسىز ەتەدى.
ءشۇلبى سۋ قويماسىنان 6,32 ملرد تەكشە مەتر سۋ جىبەرىلدى
كولەمى 1,2 ملن تەكشە مەتر بولاتىن «قاراقۋىc» سۋ قويماسى تۇركىستان وبلىسىنىڭ تولەبي اۋدانىندا سالىنىپ جاتىر. بۇل نىسان 500 گەكتار سۋارمالى جەردى سۋمەن قامتاماسىز ەتۋگە مۇمكىندىك بەرەدى.
قارعالى سۋ قويماسىنا كۇردەلى جوندەۋ جۇرگىزىلەدى
ەكى سۋ قويماسىنداعى قۇرىلىس-مونتاج جۇمىستارى جىل سوڭىنا دەيىن تولىق اياقتالادى.
«جاڭا سۋ قويمالارى تاسقىن جانە ەرىگەن قار سۋىن ءتيىمدى پايدالانۋعا مۇمكىندىك بەرەدى. بۇل اسىرەسە كليماتتىڭ وزگەرۋى جاعدايىندا وتە ماڭىزدى. قوسىمشا سۋارمالى جەرلەردى يگەرۋگە مۇمكىندىك پايدا بولادى, سونداي-اق بوگەن سۋ قويماسىنداعى سۋ دەڭگەيىن قاۋىپسىز رەتتەۋگە جاعداي جاسالادى. گيدرولوگيالىق ەسەپتەۋلەر بويىنشا, بوگەن وزەنى ارقىلى جىل سايىن ورتا ەسەپپەن 165 ملن تەكشە مەتر سۋ كەلەدى. سوندىقتان بۇل سۋدى جيناپ, جەرگىلىكتى تۇرعىنداردىڭ قاجەتىنە باعىتتاۋ ماڭىزدى», دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.