كوكارال بوگەتى جاڭعىرتىلادى: سولتۇستىك ارالدى ساقتاۋدىڭ جاڭا كەزەڭى باستالماق

جوسپار بويىنشا كوكارال بوگەتى قايتا جاڭعىرتىلىپ, سولتۇستىك ارال تەڭىزىندەگى سۋ دەڭگەيى بالتىق جۇيەسى بويىنشا 44 مەترگە دەيىن كوتەرىلەدى. سونىڭ ناتيجەسىندە سۋ ايدىنىنىڭ اۋماعىن 3 913 شارشى شاقىرىمعا دەيىن, ال سۋ كولەمىن 34 ملرد تەكشە مەترگە دەيىن ۇلعايتۋ جوسپارلانعان.

جوبا اياسىندا تۇركىستان جانە قىزىلوردا وبلىستارىنداعى ارال-سىرداريا باسسەينىنىڭ يرريگاتسيا جۇيەلەرىن جاڭعىرتۋ مەن اۆتوماتتاندىرۋ جۇمىستارى دا جۇرگىزىلەدى. مينيسترلىك وسى باعىتتا 160-تان استام جوبالاۋ-سمەتالىق قۇجات ازىرلەپ جاتىر. بۇل شارالار سۋدى ءتيىمدى پايدالانۋعا مۇمكىندىك بەرىپ, ۇنەمدەلگەن سۋ كولەمىن سولتۇستىك ارال تەڭىزىنە باعىتتاۋعا جاعداي جاسايدى.

ەلىمىزدەگى سۋ تاسقىنى قاۋپى جوعارى وڭىرلەر بەلگىلى بولدى

قازىرگى ۋاقىتتا جوبا پرەمەر-ءمينيستردىڭ توراعالىعىمەن جۇمىس ىستەيتىن حالىقارالىق قارجى ۇيىمدارىمەن جۇمىس جونىندەگى ۇيلەستىرۋ كەڭەسىنىڭ قاراۋىنا ۇسىنىلىپ وتىر. جوبانى ىسكە اسىرۋ مەرزىمى 2026-2029 جىلدارعا جوسپارلانعان.

سوڭعى جىلدارى سولتۇستىك ارال تەڭىزىندەگى جاعداي ءبىرشاما جاقسارا باستاعان. سىرداريا وزەنىندەگى سۋ قويمالارىنىڭ جۇمىس رەجيمىن كەلىسۋ جانە مەملەكەتارالىق كەلىسىمدەردى ساقتاۋ ناتيجەسىندە سوڭعى ءۇش جىلدا تەڭىزگە 6 ملرد تەكشە مەتردەن استام سۋ كەلدى. سونىڭ ارقاسىندا تەڭىزدەگى سۋ كولەمى 2022 جىلدىڭ سوڭىنداعى 18,9 ملرد تەكشە مەتردەن 2025 جىلدىڭ سوڭىنا قاراي 23 ملرد تەكشە مەترگە دەيىن ارتتى.

سۋ تاسقىنى قاۋپى – باستى نازاردا

سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ بۇل ماسەلەنىڭ ماڭىزىنا توقتالىپ ءوتتى.

«مەملەكەت باسشىسى سولتۇستىك ارال تەڭىزىن ساقتاۋ ماسەلەسىنىڭ ماڭىزىن بىرنەشە رەت اتاپ ءوتتى. بىلتىر قازاقستان مەن وزبەكستان ۇكىمەتتەرى اراسىندا ترانسشەكارالىق سۋ نىساندارىن بىرلەسىپ باسقارۋ جانە ۇتىمدى پايدالانۋ تۋرالى كەلىسىمگە قول قويىلدى. ورتالىق ازيا ەلدەرى ءۇشىن سولتۇستىك ارالدى ساقتاۋ جانە قالپىنا كەلتىرۋ – تەك ەكولوگيالىق ماسەلە عانا ەمەس, سونىمەن قاتار الەۋمەتتىك ءارى ستراتەگيالىق مىندەت», دەدى مينيستر.

ەلىمىزدە 1242 ەلدى مەكەندە سۋ تاسقىنى بولۋى مۇمكىن