بۇگىن اقتوبە قالاسىنىڭ الماتى اۋدانىنداعى اقجار كوشەسىندە ورنالاسقان اۆتوگاز قۇيۋ ستانساسىندا توتەنشە جاعداي بولدى. جەر ءۇستى رەزەرۆۋارلارىنىڭ بىرىندە گاز-اۋا قوسپاسى تۇتانىپ, سوڭى جارىلىسقا ۇلاستى. ءتىلسىز جاۋدىڭ ەكپىنى سول ماڭداعى ەكىنشى تسيستەرناعا, گاز تاسىمالداۋشى كولىك پەن وپەراتورلىق عيماراتقا تارالعان, دەپ حابارلايدى Egemen.kz.
توتەنشە جاعدايلار دەپارتامەنتىنىڭ كۇشتەرى وقيعا ورنىنا جەدەل جەتكەن. قۇتقارۋشىلار ادام ءومىرى مەن قالا قاۋىپسىزدىگىنە تىكەلەي قاتەر تونگەن جوعارى تاۋەكەل ايماعىندا جۇمىس ىستەپ, قايتالاما جارىلىستاردىڭ جولى كەسىلىپ, جالىننىڭ كورشىلەس نىساندارعا تارالۋىنا جول بەرىلمەدى.
گاز قۇيۋ ستانسالارىندا قاۋىپسىزدىك تالاپتارى كۇشەيتىلەدى
ءورتتى اۋىزدىقتاۋ جۇمىستارىن اقتوبە وبلىسى تجد باستىعى, پولكوۆنيك قاھارمان ورازالين تىكەلەي ۇيلەستىردى. ءتىلسىز جاۋمەن ارپالىسقا دەپارتامەنتتىڭ, جەدەل-قۇتقارۋ جاساعىنىڭ جانە اپاتتار مەديتسيناسى ورتالىعىنىڭ 60-قا جۋىق مامانى مەن 16 بىرلىك تەحنيكاسى جۇمىلدىرىلدى.
قۇتقارۋشىلاردىڭ جانقيارلىق ارەكەتىنىڭ ناتيجەسىندە ءورت تولىقتاي جويىلىپ, زارداپ شەككەندەر تىركەلگەن جوق.