ۆەنەتسيا قالاسىندا ەۋروپا كەڭەسى ۆەنەتسيا كوميسسياسىنىڭ 102-پلەنارلىق سەسسياسى ءوتتى. سەسسيادا كەيبىر ەلدەردىڭ جەكەلەگەن كونستيتۋتسيالىق-قۇقىقتىق ينستيتۋتتارىنا قاتىستى ماسەلەلەر قارالدى. وندا 20 ناۋرىزدا وسى فورۋم اياسىندا كونستيتۋتسيالىق كەڭەستىڭ توراعاسى ي.روگوۆ بايانداما جاساپ, ۆەنەتسيا كوميسسياسىن جانە حالىقارالىق زاڭگەرلەر قاۋىمداستىعىن قازاقستان رەسپۋبليكاسىنىڭ پرەزيدەنتى «نۇر وتان» پارتياسىنىڭ XVI سەزىندە اتاپ وتكەن ينستيتۋتتىق جانە قۇقىقتىق رەفورمالاردىڭ نەگىزگى باعىتتارىمەن, سونداي-اق قازاقستاننىڭ ۇلتتىق قۇقىق قورعاۋ جۇيەسىن جاڭعىرتۋ ماقساتىندا قولعا الىپ جاتقان شارالارىمەن, اتاپ ايتقاندا, ۇستىمىزدەگى جىلعى 1 قاڭتاردان باستاپ قولدانىسقا ەنگىزىلگەن قىلمىستىق كودەكستىڭ, قىلمىستىق-پروتسەستىك كودەكستىڭ, قىلمىستىق-اتقارۋ كودەكسىنىڭ جانە اكىمشىلىك قۇقىق بۇزۋشىلىق تۋرالى كودەكستىڭ نەگىزگى جاڭالىقتارىمەن تانىستىردى. ۆەنەتسيا كوميسسياسىنىڭ باسشىلىعى مەن مۇشەلەرى قازاقستاندا جۇرگىزىلىپ وتىرعان قۇقىقتىق رەفورمالارعا جوعارى باعا بەرىپ, قاجەت بولعان جاعدايدا ساراپشىلىق-ادىستەمەلىك كومەك كورسەتۋگە دايىن ەكەنىن ءبىلدىردى, دەپ حابارلادى ەلىمىزدىڭ كونستيتۋتسيالىق كەڭەسىنىڭ ءباسپاسوز قىزمەتى.