بەلگيانىڭ «106.3 AFM» راديوستانتسياسى ءانشى ديماش قۇدايبەرگەننىڭ شىعارماشىلىعىنا ارنالعان كەڭەيتىلگەن ەكى ساعاتتىق ارنايى باعدارلاما جاريالادى. حالىقارالىق دەڭگەيدە وتكەن بۇل ەفيردى الەمنىڭ التى قۇرلىعىنىڭ تۇرعىندارى ونلاين رەجيمدە تىڭدادى, دەپ حابارلايدى Egemen.kz.
راديوستانتسيا ۇجىمى بۇل شىعارىلىمدى ءانشىنىڭ جانكۇيەرلەرى ءۇشىن ناعىز مەرەكەگە اينالدىردى. ەفير بارىسىندا ديماشتىڭ رەپەرتۋارىنداعى ۇزدىك سەگىز تۋىندىمەن قاتار, قازاقستان رەسپۋبليكاسىنىڭ مەملەكەتتىك گيمنى شىرقالدى.
ديماش قۇدايبەرگەن 70 اسپابىن مۋزەيگە تاپسىردى
باعدارلاماعا بەلگياداعى ديماشتىڭ ونەر سۇيەر قاۋىمى, قازاقستاننىڭ وسى ەلدەگى ەلشىلىگىنىڭ وكىلى جانە ەۋروپادا ءبىلىم الىپ جاتقان ستۋدەنتتەر قاتىسىپ, ءانشىنىڭ فەنومەنى تۋرالى وي بولىسكەن.
ديماش قۇدايبەرگەن ميحايل شايدوروۆقا كولىك سىيلايتىن بولدى
ەفيردىڭ ەرەكشەلىگى – تىكەلەي بايلانىس (ينتەراكتيۆ) فورماتىندا وتۋىندە بولدى. الەمنىڭ تۇكپىر-تۇكپىرىنەن تىڭدارماندار «Twitch» پلاتفورماسى ارقىلى سۇراقتارىن جولداپ, جۇرگىزۋشىلەر ەڭ قىزىقتى ساۋالداردى اۋە تولقىنىندا جاريالاپ وتىردى. ايتا كەتەيىك, اتالعان باعدارلامانىڭ جازباسى راديوستانتسيانىڭ YouTube-ارناسىندا جاريالاندى.
تۇركىستاندا ديماش قۇدايبەرگەننىڭ پروديۋسەرلىك «Voice Beyond Horizon» جوباسى باستالدى