استانا. 26 ناۋرىز. مەملەكەت باسشىسى «قازاتومونەركاسىپ» ۇاك» اق باسقارماسىنىڭ توراعاسى نۇرلان قاپپاروۆتىڭ كەنەتتەن قايتىس بولۋىنا بايلانىستى ونىڭ وتباسى مەن تۋىستارىنا كوڭىل ايتۋ جەدەلحاتىن جولدادى. بۇل تۋرالى akorda.kz حابارلادى.
جەدەلحاتتا ەل تاۋەلسىزدىگىنىڭ العاشقى جىلدارىندا ن.قاپپاروۆ جاستار اراسىنان دارالانىپ شىققان كاسىپكەر رەتىندە تانىلعانى اتاپ وتىلگەن. ول ءار جىلدارى «قازاقويل» ۇلتتىق مۇنايگاز كومپانياسى» جاق پرەزيدەنتى, قورشاعان ورتا جانە سۋ رەسۋرستارى ءمينيسترى, «قازاتومونەركاسىپ» ۇاك» اق باسقارماسىنىڭ توراعاسى بولدى, سونداي-اق باسقا دا جاۋاپتى لاۋازىمداردا وزىنە جۇكتەلگەن مىندەتتەردى ابىرويمەن اتقاردى.
«ن.قاپپاروۆ ءوزىنىڭ مول ءبىلىمى مەن تاجىريبەسىن ءاردايىم ەلىمىزدىڭ ءوسىپ-وركەندەۋىنە جۇمساعان دارىندى ۇيىمداستىرۋشى بولدى. حالقىمىز ونىڭ ەسىمى مەن ەڭبەگىن ۇمىتپايدى», – دەلىنگەن جەدەلحاتتا.
جولدىباي بازار.
دەرەك, سۋرەت: akorda.kz.