ەلىمىزدە 15 ناۋرىزدا رەسپۋبليكالىق رەفەرەندۋم وتەدى. حالىقتىڭ قولداۋىمەن اتا زاڭىمىزدىڭ جاڭارتىلعان نۇسقاسى قابىلدانادى. بۇل وزگەرىستى قازاق قوعامى قىزۋ تالقىلاپ جاتىر. وسى ورايدا اكتەر ەربولات تولەگەن دە ءوزىنىڭ پىكىرىن ءبىلدىردى, دەپ جازادى Egemen.kz.
اكتەر 15 ناۋرىزدا وتەتىن رەسپۋبليكالىق رەفەرەندۋم مەملەكەتىمىزدىڭ بولاشاعىنا تىكەلەي اسەر ەتەتىن ماڭىزدى ساياسي وقيعا ەكەنىن اتاپ ءوتتى.
«اتا زاڭىمىزعا جاڭا وزگەرىستەر مەن تولىقتىرۋلار ەنگىزۋ ماسەلەسى بۇكىلحالىقتىق تالقىلاۋعا ۇسىنىلىپ وتىر. كونستيتۋتسيا – ەلدىڭ نەگىزگى زاڭى, تاۋەلسىزدىگىمىزدىڭ تىرەگى, قۇقىقتارىمىز بەن بوستاندىقتارىمىزدىڭ كەپىلى. سوندىقتان وعان ەنگىزىلەتىن ءاربىر وزگەرىس مەملەكەتىمىزدىڭ دامۋ باعىتىن ايقىندايدى.
ءبيبىسارا اساۋباەۆا: ەلىمىزدىڭ تۇراقتىلىعىنا ارنالعان رەفورمالاردى قولدايمىن
كونستيتۋتسيامىز 1995 جىلى قابىلدانىپ, سول ۋاقىتتان بەرى ەلىمىزدىڭ ساياسي, الەۋمەتتىك جانە ەكونوميكالىق دامۋىنا نەگىز بولىپ كەلەدى. الايدا ۋاقىت العا جىلجىپ, قوعام دا, تالاپ تا وزگەرىپ جاتىر. زامان اعىمىنا ىلەسۋ ءۇشىن, جاڭا تاريحي كەزەڭنىڭ سۇرانىستارىنا جاۋاپ بەرۋ ءۇشىن اتا زاڭىمىزدى جاڭعىرتۋ قاجەتتىلىگى تۋىنداپ وتىر. بۇل وزگەرىستەر ەلىمىزدىڭ باسقارۋ جۇيەسىن جەتىلدىرۋگە, حالىقتىڭ قۇقىقتارىن قورعاۋدى كۇشەيتۋگە جانە ادىلەتتى قوعام قالىپتاستىرۋعا باعىتتالعان», دەدى ەربولات تولەگەن.
ونىڭ ايتۋىنشا مۇنداي ماڭىزدى شەشىمدى قابىلداۋدا ءاربىر ازاماتتىڭ داۋىسى ماڭىزدى.
«سوندىقتان رەفەرەندۋمعا قاتىسۋ – تەك قۇقىقتىق ارەكەت قانا ەمەس, ءاربىر قازاقستان ازاماتىنىڭ بورىشى. وسكەلەڭ ۇرپاقتىڭ جارقىن بولاشاعى, تاۋەلسىز ەلىمىزدىڭ تۇراقتىلىعى مەن وركەندەۋى ءوز قولىمىزدا. ەل تاعدىرىنا بەيجاي قاراماي, بەلسەندىلىك تانىتىپ, ورتاق بولاشاعىمىز ءۇشىن داۋىس بەرۋ – ءاربىر قازاقستان ازاماتىنىڭ مىندەتى», دەدى ول.
كونستيتۋتسيالىق رەفورما: سەناتورلار وڭىرلەرگە بارادى