ءماجىلىس سپيكەرى قابيبوللا جاقىپوۆ كوميتەت توراعاسى ۆيتالينو كاناش باستاعان ناتو پارلامەنتتىك اسسامبلەياسى قاۋىپسىزدىكتىڭ ازاماتتىق ولشەمى جونىندەگى كوميتەتى دەلەگاتسياسىمەن كەزدەستى, دەپ حابارلادى ءماجىلىستىڭ ءباسپاسوز قىزمەتى.
كەزدەسۋ بارىسىندا ءماجىلىستىڭ زاڭنامالىق قىزمەتى, پالاتالاردىڭ حالىقارالىق ىنتىماقتاستىعى, سونداي-اق, ونىڭ قۇرامى مەن قۇرىلىمى اڭگىمە وزەگىنە اينالدى. ۆ.كاناش ءوز سوزىندە قازاقستاننىڭ ناتو مەن ناتو پا ءۇشىن ماڭىزدى ارىپتەس ەكەنىن اتاپ ءوتتى.
– قازاقستاننىڭ ءبىزدىڭ جۇمىسىمىزعا ءتۇرلى باعىتتاردا, سونىڭ ىشىندە اۋعانستانداعى جاعدايدى تۇراقتاندىرۋعا قوسىپ جاتقان ۇلەسىن جوعارى باعالايمىز, – دەدى ۆ.كاناش.
ءماجىلىس توراعاسى اۋعانستانعا كورسەتىلگەن ەكونوميكالىق جانە گۋمانيتارلىق كومەك تۋرالى, اۋعان جاستارىنا ارنالعان ءبىلىم باعدارلامالارى جايلى باياندادى. وسى رەتتە, ق.جاقىپوۆ قازاقستان پرەزيدەنتى ساياساتىندا عالامدىق قاۋىپسىزدىك پەن تۇراقتى دامۋ جاعدايلارىنا باسىمدىق بەرىلەتىنىن اتاپ ءوتتى. بۇل جەردە ۋكراينا مەن قىرعىزستانعا كورسەتىلىپ جاتقان كومەك ءسوز ەتىلدى.
جۇزدەسۋ كەزىندە, سونداي-اق, حالىقارالىق كۇن تارتىبىندەگى ماسەلەلەرگە, كوپپارتيالى پارلامەنت پەن قحا قىزمەتتەرىنە كوڭىل ءبولىندى.