كەشە استاناداعى ۇلتتىق اكادەميالىق كىتاپحانادا مەملەكەتتىك حاتشى گۇلشارا ابدىقالىقوۆانىڭ قاتىسۋىمەن قازاقستان حالقى اسسامبلەياسى عىلىمي-ساراپشىلىق كەڭەسىنىڭ (عسك) كەڭەيتىلگەن وتىرىسى ءوتتى. وعان پرەزيدەنت اكىمشىلىگىنىڭ, مينيسترلىكتەر مەن ۆەدومستۆولاردىڭ لاۋازىمدى تۇلعالارى, دەپۋتاتتار, وڭىرلەردەگى عىلىمي-ساراپشىلىق توپتاردىڭ جەتەكشىلەرى, زيالى قاۋىم جانە باق وكىلدەرى قاتىستى.
وتىرىستا «بارشاعا ارنالعان قازىرگى زامانعى مەملەكەت» – «100 ناقتى قادام» ۇلت جوسپارىنىڭ ءتورتىنشى ينستيتۋتتىق رەفورماسىن ىسكە اسىرۋداعى قحا عىلىمي-ساراپشىلىق كەڭەسىنىڭ مىندەتتەرى, قوعامدىق كەلىسىم جانە ۇلتتىق بىرلىك سالاسىنداعى عىلىمي زەرتتەۋلەر, قحا جىلىنا عىلىمي-ساراپشىلىق تۇرعىدان قولداۋ كورسەتۋ جانە وزگە دە ۇيىمداستىرۋشىلىق ماسەلەلەر تالقىعا ءتۇستى.
تاراتا ايتار بولساق, مەملەكەتتىك حاتشى قحا عىلىمي-ساراپشىلىق كەڭەسى مۇشەلەرى جۇرگىزىپ وتىرعان جۇمىستىڭ ماڭىزىنا توقتالا كەلىپ, «بولاشاعى ءبىرتۇتاس ۇلت» ءتورتىنشى ينستيتۋتتىق رەفورماسىن ىسكە اسىرۋ اياسىنداعى اسسامبلەيا عىلىمي قاۋىمداستىعىنىڭ مىندەتتەرىن اتاپ كورسەتتى. وسى ورايدا مەملەكەتتىك حاتشى:
– قازاقستان حالقى اسسامبلەياسى جىلى اياسىندا iس-شارالاردى ۇيىمداستىرۋمەن قاتار, عىلىمي-ساراپشىلىق باعىتتى جانداندىرۋ كوزدەلگەن بولاتىن. ويتكەنى, پرەزيدەنت نۇرسۇلتان نازارباەۆتىڭ «ماڭگiلiك ەل» جالپىۇلتتىق يدەياسىن رۋحاني قۇندىلىق رەتiندە حالىق ساناسىنا سiڭiرۋدە عىلىمي نەگiزدi تەرەڭدەتۋدiڭ ماڭىزى زور. مەملەكەت باسشىسىنىڭ بەيبiتشiلiك پەن كەلiسiم ساياساتى دامۋدىڭ ستراتەگيالىق باعىتىنا اينالدى. ەلباسىنىڭ بەس ينستيتۋتتىق رەفورماسى ەل دامۋىنىڭ كەپىلى, – دەدى.
سونداي-اق, ول اسسامبلەيا جۇمىسىن عىلىمي-ساراپتامالىق سۇيەمەلدەۋ بiرقاتار مiندەتتەردi شەشۋگە مۇمكiندiك بەرەتiنiن ايتا كەلىپ, ۇلتارالىق تولەرانتتىلىقتىڭ قازاقستاندىق ۇلگiسiنiڭ نەگiزگi قاعيداتتارىن ناسيحاتتاۋدىڭ جانە ءتۇرلi الەۋمەتتiك توپتار اراسىندا تۇراقتى قارىم-قاتىناس نەگiزiندە الەۋمەتتiك-ەكونوميكالىق, ساياسي دامۋدى قامتاماسىز ەتۋدىڭ ماڭىزدىلىعىنا نازار اۋداردى.
بۇدان بولەك, گ.ابدىقالىقوۆا جالپىۇلتتىق «ماڭگiلiك ەل» يدەياسىن العا جىلجىتۋ مەن ونى حالىق ساناسىنا بەكiتۋدiڭ جاڭا ادiستەرi باق ارقىلى عانا ەمەس, سونىمەن قاتار, كينويندۋستريانىڭ, كومپيۋتەرلiك باعدارلامالار, بەستسەللەر-كiتاپتاردىڭ جاڭا پىشىمدەرى ارقىلى جۇزەگە اسۋى تيiس ەكەنىن ءسوز ەتتى. ونىڭ ايتۋىنشا, «ماڭگiلiك ەلدiڭ» حالىقتى جۇمىلدىرۋشى يدەيالارى – ازاماتتىق تەڭدiك, ەڭبەكقورلىق, شىندىق, عىلىم مەن بiلiمگە دەگەن قۇشتارلىق, تولەرانتتىلىق ءاربiر قازاقستاندىقتىڭ جەكە قاسيەتتەرiنە, ءومiر سالتىنا اينالۋى قاجەت.
جيىن بارىسىندا «ۇلت جوسپارى – مەملەكەت قۇرىلىسىنىڭ ءارى قاراي دامۋىنىڭ 100 ناقتى قادامى» بويىنشا «بىرتەكتىلىك جانە بىرلىك» باعىتىن جۇزەگە اسىرۋداعى قازاقستان حالقى اسسامبلەياسى عىلىمي-ساراپشىلىق كەڭەسىنىڭ مىندەتتەرى تۇرعىسىندا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى, قحا عسك توراعاسىنىڭ ورىنباسارى ەرلان سىدىقوۆ, ءبىلىم جانە عىلىم مينيسترلىگى عىلىم كوميتەتىنىڭ فيلوسوفيا, ساياساتتانۋ جانە ءدىنتانۋ ينستيتۋتىنىڭ ديرەكتورى زارەما شاۋكەنوۆا ءسوز سويلەدى.
سونىمەن قاتار, قازاقستان حالقى اسسامبلەياسى عىلىمي-ساراپشىلىق كەڭەسىنىڭ 2014 جىلدىڭ 17 ماۋسىمىندا وتكەن وتىرىسىندا مەملەكەتتىك حاتشى تاراپىنان ءبىلىم جانە عىلىم مينيسترلىگىنە بەرىلگەن تاپسىرمالاردىڭ ورىندالۋى تۋرالى جانە قوعامدىق كەلىسىم مەن ۇلتتىق بىرلىك سالاسى بويىنشا جۇرگىزىلگەن عىلىمي زەرتتەۋلەر جونىندە حابارلامالار تىڭدالدى. بۇدان باسقا, قازاقستان حالقى اسسامبلەياسى جىلىنا عىلىمي-ساراپتامالىق قولداۋ كورسەتۋ تۇرعىسىندا دا جاۋاپتى تۇلعالار تاراپىنان باياندامالار وقىلدى.
جيىن سوڭىندا مەملەكەتتىك حاتشى گ.ابدىقالىقوۆا ازاماتتىق قاعيداتتار نەگىزىندە قازاقستاندىق بىرتەكتىلىكتى دامىتۋ جانە نىعايتۋ, ەل بىرلىگى مەن قوعامدىق كەلىسىمدى ساقتاۋ ىسىنە قاتىستى بىرقاتار تاپسىرمالار بەردى.
كەڭەس جۇمىسىن قازاقستان حالقى اسسامبلەياسى توراعاسىنىڭ ورىنباسارى ەرالى توعجانوۆ جۇرگىزىپ وتىردى.
جولدىباي بازار,
«ەگەمەن قازاقستان».