كومىرمەن كومكەرىلگەن اشەكەيلەر

ولگا تسەللەردىڭ زەرگەرلىك ونەرمەن اينالىسىپ كەلە جاتقانىنا 10 جىلدان استى. قارا التىنمەن زەرگەرلىك بۇيىم جاساپ جۇرگەنىنە جەتى جىلدىڭ اينالاسى بولىپتى. مۇنىسى التىنقول شەبەردىڭ ايتۋىنشا, شىعارماشىلىعىن ايشىقتاپ تۇراتىن كورىنەدى.

 – العاشقى بۇيىمدارىم وتە نازىك بولدى, تاعۋعا جارامايتىن, تەز سىنىپ كەتەتىن. ونىڭ ۇستىنە ءتۇسى كيىمگە جۇعىپ, بىلعايتىن. كەيىن تاجىريبە ارقىلى تۇراقتاندىرۋ ءتاسىلىن مەڭگەردىم. قازىر اشەكەيلەرىم قاۋىپسىز ءارى بەرىك. بۇل ماتەريالمەن جۇمىس ىستەۋ وڭاي ەمەس. ۇگىتىلىپ تۇراتىن كومىردى تۇراقتاندىرۋعا ەكى اپتا ۋاقىت كەتەدى. ارنايى شايىر ارقىلى وڭدەلگەن قارا تاس بەرىك بولىپ, قولعا دا, كيىمگە دە زيان كەلتىرمەيدى. كومىردىڭ ءار ءتۇرىن سىناپ كوردىم. ەڭ ساپالىسى – انتراتسيت. نەگىزى ءتۇرلى ماتەريالدارمەن تاجىريبە جاساعاندى ۇناتامىن. اعاش, تەرى, ءتىپتى ەپوكسيدتى شايىردى دا قولدانامىن. كومىردىڭ ىشىندە انتراتسيت ەڭ بەرىك ءتۇرى. دەگەنمەن ونى تابۋ قيىن. قازىر كومىر تاسۋشىلاردىڭ ءبارى مەنى تانىپ العان. ۇيىمە كومىر السام مىندەتتى تۇردە 1 شەلەك ەرەكشە تۇرلەرىن جيناپ اكەلىپ بەرەدى, – دەيدى زەرگەر.

ولگانىڭ ءبىرتالاي شا­كىرتى بار. سولاردىڭ ءبىرى – ناتاليا ستاروستينا. ول اۋەلى دي­زاي­نەردىڭ الەۋمەتتىك جەلىدەگى جۇمىستارىن باقىلاپ, كەيىن اشەكەي ساتىپ الىپتى. ۋاقىت وتە كەلە قىزىعۋشىلىعى ارتىپ, شەبەرلىك ساعاتىنا ارنايى قاتىسقان. قازىر ءوزى دە ءتۇرلى بۇيىمدار جاساپ, ساتادى.

 – ولگا – مىقتى ديزاينەر. جۇمىستارى وزگەشە. اشەكەيلەرىن تاعىپ كورگەننەن كەيىن, ءسان الەمىندە ءوزىمدى دە بايقاعىم كەلدى. قازىر بۇ­يىم­دار جاساپ, ساتا باستادىم. كوبىنە گۇلدى بۇيىمدار جاسا­عاندى ۇناتامىن, – دەيدى ناتاليا ستاروستينا.

ولگانىڭ ەڭبەگى بىرنەشە وتاندىق بايقاۋدا جوعارى باعا­لانىپ, ءتۇرلى كورمەلەر مەن ارت-جارمەڭكەلەرگە ۇسى­نىلدى. بىلتىر قىركۇيەك ايىن­دا ونىڭ برەندى ميلان ءسان اپتالىعىندا تانىستىرىلدى. ديزاينەر كورسەتىلىمگە كاسىبي مودەلدەردى ەمەس, ءوز قۇربىلارىن ەرتىپ بارۋدى ءجون كورگەن. وسىلايشا, پوديۋمدا 14 ايەل ونەر كورسەتىپ, ديزاينەردىڭ ەڭبەگىن ەلگە تانىس­تىردى.

الداعى ۋاقىتتا ديزاينەر اشەكەيلەر ءتۇرىن كوبەيتىپ, وتاندىق ديزايندى حالىق­ارالىق دەڭگەيدە ناسيحاتتاۋدى ويلاستىرىپ وتىر.

قاراعاندى وبلىسى