قازاقستان تەننيسشىسى ەلەنا رىباكينا اۋستراليا اشىق چەمپيوناتىنداعى (Australian Open) تاريحي جەڭىسىنەن كەيىن الداعى جوسپارلارى تۋرالى وي ءبولىستى, دەپ حابارلايدى Egemen.kz.
كەشە وتكەن ءباسپاسوز ءماسليحاتىندا رىباكينا مەلبۋرندا قالمايتىنىن ايتتى. قازاقستان سپورتشىسى ابۋ-دابيدە ء(باا) وتەتىن WTA 500 ساناتىنداعى تۋرنيرگە قاتىسپايتىنىن, 1-7 اقپان ارالىعىندا وتەتىن جارىستان رەسمي تۇردە باس تارتقانىن ايتتى. ايتا كەتەيىك, باستاپقىدا ەلەنا رىباكينا بۇل تۋرنيردە ءبىرىنشى نومىرمەن تىركەلگەن بولاتىن.
ەسكە سالا كەتەيىك, كۇنى كەشە ەلەنا رىباكينا Australian Open-2026 ءتۋرنيرىنىڭ جەڭىمپازى اتاندى. ول فينالدا بەلارۋس وكىلى, الەمنىڭ ءبىرىنشى راكەتكاسى ارينا سوبولەنكونى تارتىستى كەزدەسۋدە ءۇش سەتتە جەڭدى – 6:4, 4:6, 6:4.
مەملەكەت باسشىسى ەلەنا رىباكينانى جەڭىسىمەن قۇتتىقتادى
وسىلايشا, ەلەنا رىباكينا 2022 جىلعى ۋيمبلدوننان كەيىن «ۇلكەن دۋلىعا» تۋرنيرلەرىندەگى ەكىنشى چەمپيوندىق اتاعىن يەلەندى.