ءمامس جارناسىن جەرگىلىكتى اكىمدىك كىمدەرگە تولەيدى؟

بۇگىندە حالىقتىڭ 83%-ى ساقتاندىرىلعان بولسا, شامامەن 3,3 ملن ادام ءمامس جۇيەسىنەن تىس قالىپ وتىر. ەندى زاڭعا ەنگىزىلگەن وزگەرىستەردىڭ ناتيجەسىندە بيىل شامامەن 1 ملن ادام ءمامس جۇيەسىمەن قوسىمشا قامتىلادى. بۇل تاپسىرما مەملەكەت باسشىسىنىڭ «الەۋمەتتىك وسال ساناتتارعا جاتاتىن ازاماتتار ءۇشىن مەديتسينالىق ساقتاندىرۋعا اۋدارىمدار جەرگىلىكتى بيۋدجەت ەسەبىنەن تولەنۋگە ءتيىس» دەگەن تاپسىرماسىنان سوڭ ۇيلەستى. تاعى ءبىر ايتۋلى جاڭالىق, ەندى رەسمي تىركەلگەن جۇمىسسىزدار ءۇشىن دە جارنالار جەرگىلىكتى بيۋدجەت ەسەبىنەن تولەنەدى.

ءمامس جۇيەسىندەگى ولقىلىقتار: قايتىس بولعان ادام دارىگەر قابىلداۋىندا بولعان

بۇل قادام حالىقتى جۇمىسپەن قامتۋ ماسەلەلەرىندە اكىمدىكتەردىڭ جاۋاپكەرشىلىگىن ارتتىراتىنى انىق. وبلىس اكىمدەرى جۇمىس ورىندارىن اشۋعا, كەدەيلىكتى ازايتۋعا, حالىقتى جۇمىسپەن قامتۋعا قاتىستى بەلسەندى ءىس-شارالار قابىلداۋعا بۇرىنعىدان دا ىنتالى بولادى. ايتپەسە, بيۋدجەت قاراجاتى ەسەبىنەن ساقتاندىرىلاتىن ازاماتتار كوبەيسە, جەرگىلىكتى اكىمدىككە سالماق ءتۇسۋى مۇمكىن. مۇنداي كەلەڭسىزدىككە كەز كەلگەن ءوڭىردىڭ اكىمى جول بەرمەۋگە تىرىسادى.

قازىردە ءمامس جۇيەسىندە قوسىمشا مىندەتتەمەلەردىڭ قوسىلۋىنا بايلانىستى جۇيەنىڭ قارجىلىق جۇكتەمەسى كۇرت وسكەنى بايقالادى. وسىعان بايلانىستى مەملەكەت تاراپىنان جارنا مولشەرلەمەلەرىن كەزەڭ-كەزەڭىمەن ارتتىرۋ ۇسىنىلدى. ياعني 2027 جىلى – 2,2%, 2037 جىلعا دەيىن 4,7%-عا دەيىن بىرتىندەپ ءوسىرۋ مەجەسى ناقتىلانعان. بۇل رەتتە جۇمىس بەرۋشىلەر مەن جۇمىسشىلاردىڭ جارنا مولشەرلەمەلەرى وزگەرىسسىز قالادى. ارينە, بۇل قادام ءمامس ەسەبىنەن مەديتسينالىق كومەكتىڭ تيىمدىلىگىن ارتتىرۋعا سەپتەسەدى دەگەن ۇمىتتەمىز. ەگەر دەنساۋلىق سالاسىندا قابىلدانىپ جاتقان بۇدان وزگە دە جوبا-جوسپارلار ۋاقتىلى ىسكە اسسا, مەديتسيناعا مەملەكەتتەن, ءمامس ەسەبىنەن بولىنگەن قارجىنىڭ تيىمدىلىگىن جۇرت انىق كورەدى.

ءمامس جۇيەسىندەگى ولقىلىقتاردان كەيىن قورعا جاڭا باسشى تاعايىندالدى