اسكەري قىزمەتشىلەر اراسىندا كولىك جۇرگىزۋ مادەنيەتىن ارتتىرۋ جانە اسكەري كولىك قۇرالدارىن اپاتسىز پايدالانۋ ماقساتىندا شىمكەنت گارنيزونىندا پروفيلاكتيكالىق ساباقتار ۇيىمداستىرىلدى. ءىس-شارا بارىسىندا اسكەري تەحنيكا جۇرگىزۋشىلەرىنە وتكەن جىلعى جول-كولىك وقيعالارىنىڭ ستاتيستيكاسى ۇسىنىلىپ, اسكەري كولىكتەردى پايدالانۋ كەزىندەگى نەگىزگى قاتەر مەن ءجيى كەزدەسەتىن قاتەلىكتەر جان-جاقتى ءتۇسىندىرىلدى, دەپ حابارلايدى Egemen.kz.
سونىمەن قاتار اسكەري اۆتوموبيلدەرگە ماۋسىمدىق تەحنيكالىق قىزمەت كورسەتۋ ءتارتىبى, ءارتۇرلى جول توسەمەلەرىندە كولىك جۇرگىزۋدىڭ ەرەكشەلىكتەرى مەن قاۋىپسىزدىك تالاپتارىن قاتاڭ ساقتاۋ ماسەلەلەرى كەڭىنەن قامتىلدى.
«جوعارعى باسشىلىقتىڭ تاپسىرماسىنا سايكەس, كولىك قۇرالىن قاۋىپسىز ايداۋدىڭ تۇسىندىرمە جۇمىستارى جۇرگىزىلدى. ول دەنە جاراقاتى مەن وقىس وقيعالاردىڭ الدىن الۋ ءۇشىن قاجەت. ءىس-شاراعا شىمكەنت گارنيزونى اسكەري پوليتسيا ءبولىمى اسكەري اۆتوموبيلدىك پوليتسيا بولىمشەسىنىڭ قىزمەتكەرلەرى مەن 35748 اسكەري ءبولىمىنىڭ جۇرگىزۋشىلەرى قاتىستى. بۇل پروفيلاكتيكالىق ساباقتار الداعى ۋاقىتتا قاۋىپسىزدىك شارالارىنىڭ قاتاڭ ساقتالۋىنا وڭ ىقپالىن تيگىزەدى دەگەن سەنىمدەمىز», دەدى اسكەري اۆتوموبيلدىك پوليتسيا بولىمشەسىنىڭ وفيتسەرى, لەيتەنانت بەرىكقالي قوجايباەۆ.
قوستانايدا ءتارتىپ ساقشىلارى بالالارعا جول قاۋىپسىزدىگىن ۇيرەتتى
الدىن الۋ شارالارى اياسىندا اۆتوكولىكتەردىڭ تەحنيكالىق جاعدايى, جارىق بەرۋ قۇرالدارىنىڭ, اينەك سۇرتكىشتەردىڭ جۇمىس ىستەۋى, جازعى دوڭگەلەكتەردىڭ تالاپقا سايكەستىگى, ءورت سوندىرگىشتەر مەن مەديتسينالىق ءدارى قوبديشالارىنىڭ جارامدىلىعى, سونداي-اق كولىك قۇجاتتارىنىڭ تولىقتىعى بويىنشا دا ساباقتار ءوتتى.
كولىك اپاتىنان بولاتىن ادام ءولىمى 9,4%-عا ازايدى: پرەزيدەنت جول قاۋىپسىزدىگى شارالارىنىڭ ناتيجەسى تۋرالى
قورعانىس سالاسىنداعى جاۋاپتى مامانداردىڭ ايتۋىنشا اتالعان دارىستەر اسكەري تەحنيكا قاۋىپسىزدىگىن قامتاماسىز ەتۋگە جانە جول-كولىك وقيعالارىنىڭ الدىن الۋعا باعىتتالعان ماڭىزدى قادام بولادى.
ەلىمىزدە جول قاۋىپسىزدىگىنە باقىلاۋ كۇشەيتىلدى