پرەمەر-ءمينيستردىڭ ورىنباسارى – مادەنيەت جانە اقپارات ءمينيسترى ايدا بالاەۆا ۇكىمەت وتىرىسىندا مەملەكەت باسشىسىنىڭ ۇلتتىق قۇرىلتايدىڭ V وتىرىسىندا ايتىلعان تاپسىرمالارىن ورىنداۋ ءۇشىن قابىلدانىپ جاتقان شارالار تۋرالى باياندادى, دەپ جازادى Egemen.kz.
«كۇنى كەشە مەملەكەت باسشىسى ۇلتتىق قۇرىلتايدىڭ تاريحي ميسسياسىن قورىتىندىلاپ, مەملەكەت پەن حالقىمىزدىڭ بولاشاعىن ايقىندايتىن زور مىندەتتەر جۇكتەدى. الدىمەن, بۇل ءمان-ماڭىزى جاعىنان جاڭا اتا زاڭ قابىلداۋمەن بىردەي كونستيتۋتسيالىق وزگەرىستەردىڭ اياسىندا عانا ەمەس, جالپى تاۋەلسىزدىك تۇعىرىن ودان ءارى نىعايتۋدى كوزدەيتىن تاريحي بەلەس», دەدى ايدا بالاەۆا.
ۆيتسە-پرەمەر پرەزيدەنت ايقىنداپ بەرگەن «زاڭ جانە ءتارتىپ», «ادال ازامات», «تازا قازاقستان» باستامالارى بويىنشا جۇيەلى جۇمىستار جالعاساتىنىن اتاپ ءوتتى.
پوليتسيا مەملەكەتتىك تۋ مەن جول ءتارتىبى ماسەلەسىن ءتۇسىندىردى
سونداي-اق مەملەكەتتىك رامىزدەردى, رۋحاني-ادامگەرشىلىك, وتباسى قۇندىلىقتاردى ناسيحاتتاۋعا ارنالعان اقپاراتتىق-ءتۇسىندىرۋ جۇمىستارى كۇشەيتىلەدى. مادەنيەت جانە اقپارات مينيسترلىگى زاڭدى جانە جەكە تۇلعالار ءۇشىن مەملەكەتتىك رامىزدەردى قولدانۋ ءتارتىبىن ەگجەي-تەگجەيلى رەتتەۋگە قاتىستى جۇمىس جۇرگىزەدى. سونداي-اق نورماتيۆتىك اكتىلەرگە قاجەتتى وزگەرىستەر ەنگىزىلىپ, كورنەكى نۇسقاۋلىقتار دايىندالادى.مەملەكەت باسشىسىنىڭ تاپسىرماسى اياسىندا مەملەكەتتىك رامىزدەرگە ەرەكشە قۇرمەت كورسەتەتىن ازاماتتاردى قوسىمشا ىنتالاندىرۋ شارالارى ازىرلەنەدى.
قۇرىلتايدا تاريحي-مادەني مۇرالارىمىزدى يۋنەسكو دەڭگەيىندە ناسيحاتتاۋ ماسەلەسى دە اتاپ ءوتىلدى. پرەزيدەنت بۇعان دەيىنگى ۇلتتىق قۇرىلتاي وتىرىستارىندا بۇل ماسەلەگە ەرەكشە نازار اۋدارىپ, ناقتى تاپسىرمالار بەردى. مەملەكەت باسشىسى تاپسىرماسىمەن جاركەنت مەشىتى مەن ۆوزنەسەنسك سوبورىن بىرىكتىرەتىن نوميناتسيا, قاراتاۋ جوتاسىنداعى پەتروگليفتەردى يۋنەسكو-نىڭ بۇكىلالەمدىك مۇرالار تىزىمىنە ەنگىزۋ ماقساتىندا ءتيىستى جۇمىستار اتقارىلادى. «ابايدىڭ قارا سوزدەرى» يۋنەسكو-نىڭ «الەم جادى» تىزىمىنە ەنگىزۋ ءۇشىن ءتيىستى قۇجاتتار ساراپتامالىق باعالاۋعا جولداندى.