ەلىمىزدەگى سۋپەركومپيۋتەرلەر حالىقارالىق دەڭگەيدە مويىندالىپ وتىر. مىسالى, ەلدەگى Alem.Cloud سۋپەركومپيۋتەرى الەمدىك رەيتينگتە 500 سۋپەركومپيۋتەردىڭ العاشقى جۇزدىگىنە ەنگەن. ال, ەندى ءبىرى Al-Farabium حالىقارالىق رەيتينگتە 103-ورىندا تۇر, دەپ جازادى Egemen.kz.
بۇدان بولەك, اكادەميالىق جوبالاردا قولدانىلاتىن زەرتتەۋ ينستيتۋتتارى مەن ۋنيۆەرسيتەتتەر جانىنداعى ەسەپتەۋ كلاستەرلەرى دە جۇمىس ىستەيدى. الايدا ولاردىڭ قۋاتى العاشقى ەكى كومپيۋتەرمەن سالىستىرعاندا از.
اسقار جۇمادىلداەۆ: سۋپەركومپيۋتەر كۇردەلى ەسەپتى ءۇش ساعاتتا شىعارىپ بەرەدى
ساراپشىلاردىڭ ايتۋىنشا,سۋپەركومپيۋتەر سەكۋندىنا ميللياردتاعان, ءتىپتى تريلليونداعان وپەراتسيالاردى ورىنداي الادى. زور كولەمدى دەرەكتەردى تالدايدى. سۋپەركومپيۋتەر – كۇردەلى مودەلدەۋگە, عىلىمي زەرتتەۋلەرگە, اۋا رايىن بولجاۋعا, جي جانە ماشينالىق وقىتۋ سەكىلدى كوپتەگەن مىندەتتەردى ورىنداۋعا ارنالعان اسا قۋاتتى ەسەپتەۋ قۇرىلعىسى.
قۇرىلعىلار امبەباپ بولعانىمەن, ارقايسىنا جۇكتەلگەن مىندەت بار. مىسالى, Alem.Cloud مەملەكەتتىك ورگاندارعا, عىلىمي زەرتتەۋلەرگە جانە ۇلتتىق ستراتەگيالىق جوبالارعا باسىمدىق بەرسە, Al-Farabium كۆازيمەملەكەتتىك, كوممەرتسيالىق جانە ەكسپورتقا ارنالعان جوبالاردى قولداۋعا باعىتتالعان ەكەن.
سۋپەركومپيۋتەرلەردىڭ ارقاسىندا ماڭىزدى دەرەكتەر ەل ىشىندە ساقتالىپ, ەلدىڭ تسيفرلىق تاۋەلسىزدىگى نىعايادى.
قازاقستان الەمدەگى توپ-100 سۋپەركومپيۋتەر قاتارىنا ەندى