«كەلەشەك مەكتەپتەرى» رەكوردتارعا جول اشتى

روبوتوتەحنيكا كابينەتتەرى تولىق زاماناۋي

مۇنداي مەكتەپتەردە اشىلعان جاڭا ۇلگىدەگى روبوتوتەحنولوگيا كابينەتتەرى وقۋشىلاردىڭ شىعارماشىلىق جانە زياتكەرلىك الەۋەتىن اشىپ, ولاردىڭ قالالىقتان باستاپ حالىقارالىق دەڭگەيگە دەيىنگى جارىستاردا جوعارى ءارى رەكوردتىق ناتيجەلەر كورسەتۋىنە كەڭ مۇمكىندىك بەرىپ وتىر.

«كەلەشەك مەكتەپتەرىندەگى» روبوتوتەحنيكا كابينەتتەرى تولىقتاي زاماناۋي فورماتتا جابدىقتالعان. مۇندا وقۋشىلار تەك تەوريالىق بىلىممەن شەكتەلمەي, ناقتى ينجەنەرلىك جوبالارمەن اينالىسىپ, تاجىريبەلىك داعدىلارىن جەتىلدىرەدى. كابينەتتەردىڭ ماتەريالدىق-تەحنيكالىق بازاسىنا LEGO Spike Prime, LEGO Spike Essential, LEGO EV3, WeDo 2.0, Arduino جانە Raspberry Pi پلاتفورمالارى, 3D-پرينتەرلەر, كۆادروكوپتەرلەر مەن دروندار, REV Robotics جيىنتىقتارى, سونداي-اق باسقا دا زاماناۋي ينجەنەرلىك قۇرىلعىلار كىرەدى. بۇل مۇمكىندىكتەر وقۋشىلاردىڭ الگوريتمدىك ويلاۋىن, باعدارلامالاۋ قابىلەتىن, ينجەنەرلىك داعدىلارىن جانە جوبالىق قىزمەتىن جان-جاقتى دامىتۋعا جاعداي جاسايدى. وسىنداي ورتادا ءبىلىم الىپ جۇرگەن وقۋشىلار كۇردەلى تەحنيكالىق تاپسىرمالاردى ءوز بەتىنشە شەشۋگە, تىڭ يدەيالاردى ۇسىنىپ, ولاردى ناقتى يننوۆاتسيالىق جوبالارعا اينالدىرۋعا ماشىقتانادى.

جاڭا جىلدان باستاپ «كەلەشەك مەكتەپتەرىنىڭ» باعدارلاماسىنا دزيۋدو ۇيىرمەسى ەنگىزىلەدى

وقۋشىلار بىرنەشە مارتە جەڭىمپاز اتاندى

«كەلەشەك مەكتەپتەرى» اشىلعالى بەرى سوڭعى ەكى جىل ىشىندە وقۋشىلار روبوتوتەحنيكا, درون, STEM, جاساندى ينتەللەكت جانە ينجەنەرلىك باعىتتاعى بايقاۋلاردىڭ بەلسەندى قاتىسۋشىلارى عانا ەمەس, بىرنەشە مارتە جەڭىمپاز اتاندى. مەكتەپ كوماندالارى FIRST LEGO League, FIRST Tech Challenge, FIRST Global Challenge, Fibonacci International Robot Olympiad, RoboLand, RoboZerde, Astana FIRST Regional, AI Robotics & Drone, NASA Space Apps Challenge, AEROO Space Settlement Competition, Robowin سىندى بەدەلدى حالىقارالىق جانە رەسپۋبليكالىق جارىستاردا جۇلدەلى ورىندارعا يە بولدى.

ايرىقشا جەتىستىكتەر قاتارىندا حالىقارالىق دەڭگەيدەگى التىن, كۇمىس جانە قولا جۇلدەلەر, سونداي-اق Judges Choice, Innovate Award, Connect Award, Rising All Star, Engineering Excellence Award سەكىلدى ارنايى ماراپاتتار بار. سونىمەن قاتار, وقۋشىلار تۇركيا, يتاليا, ءباا ەلدەرىندە وتكەن حالىقارالىق جارىستارعا جولداما الىپ, درون, گۋمانويد روبوت جانە يننوۆاتسيالىق جوبالار باعىتىندا ۇزدىك ناتيجەلەر كورسەتتى.

«كەلەشەك مەكتەپتەرى» بارلىق مەكتەپتىڭ دامۋىنا نەگىز بولادى