بۇگىن ساعات 17:00-دە 2 وبلىس اۋماعىنداعى رەسپۋبليكالىق ماڭىزى بار اۆتوجولداردا جۇك جانە قوعامدىق كولىك تۇرلەرىنىڭ قوزعالىسىنا شەكتەۋ ەنگىزىلدى. جول بولىكتەرىنىڭ جابىلۋى اۋا رايىنىڭ بۇزىلۋىنا بايلانىستى بولىپ وتىر, دەپ جازادى Egemen.kz.
باتىس قازاقستان اۋماعىنداعى «اقتوبە-ورال-رف شەكاراسى» جولىنىڭ ءبىر بولىگى, ناقتى ايتقاندا, 393-526 شاقىرىمى تۇسى جابىلدى. بۇل جىمپيتى اۋىلىنان اقتوبە وبلىسىنىڭ شەكاراسىنا دەيىنگى ارالىق.
اقتوبە ايماعىنداعى «اقتوبە-ورال-رف شەكاراسى» اۆتوجولىنىڭ 526-702 شاقىرىم ارالىعى بقو-نىڭ شەكاراسىنان مارجانبۇلاق اۋىلىنا دەيىنگى جول بولىگى جابىلىپ وتىر. بۇل – اتالعان جولدىڭ 526-702 شاقىرىمى ارالىعىن قامتيدى.
«جول بولىكتەرىن 6 قاڭتار ساعات 07:00-دە اشۋ جوسپارعا الىنعان. 1403 بايلانىس ورتالىعىنا حابارلاسىپ, تاۋلىك بويى قوسىمشا اقپارات الۋعا بولادى», دەلىنگەن «قازاۆتوجول» حابارلاماسىندا.