اۋعانستاندا سۋ تاسقىنى سالدارىنان 17 ادام قازا تاۋىپ, 11 ادام ءتۇرلى جاراقات الدى. ەلدەگى ۇزاققا سوزىلعان قۇرعاقشىلىقتىڭ سوڭى نوسەر جاۋىن مەن قالىڭ قارعا ۇلاسىپ, ارتى تابيعي اپاتقا اينالدى, دەپ حابارلايدى Egemen.kz.
مەتەورولوگتاردىڭ مالىمەتىنشە, 1 800-دەن استام وتباسىنىڭ تىنىس-تىرشىلىگىنە زاردابى تيگەن. سۋ تاسقىنى تۇرعىن ۇيلەردى قيراتىپ, مال-جاندى اعىزىپ اكەتكەن. قازىرگى ۋاقىتتا تابيعي اپات ەلدىڭ بارلىق دەرلىك پروۆينتسياسىن شارپىپ وتىر.
اسىرەسە, ينفراقۇرىلىمى تومەن اۋىلدىق ايماقتار ەڭ اۋىر سوققىعا تاپ بولدى. مۇنداعى قۇرىلىستار مەن جولدار مۇنداي ەكسترەمالدى اۋا رايىنا توتەپ بەرە الماعان. قازىرگى تاڭدا اۋعانستان بيلىگى كەلتىرىلگەن شىعىن كولەمىن ەسەپتەپ, زارداپ شەككەندەرگە كومەك كورسەتۋ شارالارىن باستادى.