شىمكەنت قالاسىندا تۇرعىن ءۇي الاپتارىن كەزەڭ-كەزەڭىمەن گازعا قوسۋ جۇمىستارى جالعاسىپ جاتىر. جاڭا جىل قارساڭىندا مەگاپوليستەگى ەكى ءىرى التىنتوبە جانە تاسساي شاعىناۋداندارىنا تابيعي گاز بەرىلدى. ءىس-شاراعا قالا اكىمى عابيت سىزدىقبەكوۆ قاتىستى, دەپ جازادى Egemen.kz.
التىنتوبە تۇرعىن الابىنا تارتىلعان گاز قۇبىرىنىڭ جالپى ۇزىندىعى 12 شاقىرىمنان اسادى. ناتيجەسىندە 343 ءۇي تابيعي وتىنعا قوسىلۋ مۇمكىندىگىنە يە بولدى. قۇرىلىس-مونتاج جۇمىسى ءبىر جىل كولەمىندە جۇرگىزىلگەن.وسى كۇنى قالانىڭ ەڭ ءىرى ءارى قارقىندى دامىپ كەلە جاتقان اۋداندارىنىڭ ءبىرى تاسساي شاعىناۋدانىندا تابيعي گازعا قوسۋ ءراسىمى ءوتتى. مۇنداعى گاز قۇبىرىنىڭ ۇزىندىعى 68 شاقىرىمنان اسادى, جوبا اياسىندا 3 341 ءۇي تابيعي گازعا قول جەتكىزدى.
شىمكەنتتە ءبىر كۇندە قوس كاسىپورىن اشىلدى
شىمكەنت قالاسى اكىمدىگىنىڭ مالىمەتىنشە, تاسساي تۇرعىن الابىن گازداندىرۋ جۇمىستارى كەزەڭ-كەزەڭىمەن جۇزەگە اسىرىلىپ جاتىر. بۇعان دەيىنگى العاشقى ەكى كەزەڭدە 2 566 ابونەنت تابيعي گازعا قول جەتكىزسە, ءۇشىنشى كەزەڭدە تاعى 775 ءۇي قوسىلىپ وتىر.
تابيعي گازعا قوسىلۋ ءۇشىن تۇرعىندار تەحنيكالىق شارت الۋ جونىندەگى ءوتىنىشتى Egov Mobile ءموبيلدى قوسىمشاسى نەمەسە egov.kz ەلەكتروندى ۇكىمەت پورتالى ارقىلى بەرە الادى.