اتىراۋ وبلىسىندا جىل باسىنان بەرى بيىكتەن قۇلاۋعا بايلانىستى 155 دەرەك تىركەلگەن. وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى مۇنداي جاعدايعا سەبەپ بولاتىن بىرنەشە جايتتى اتادى, دەپ حابارلايدى Egemen.kz.
ءبىرىنشى سەبەپ – تۇرعىن ءۇيدىڭ تەرەزەسى مەن بالكونىندا قورعانىشتىڭ بولماۋى. ەكىنشىدەن, تۇرعىنداردىڭ كوپشىلىگى تەرەزەگە تاياۋ تۇسقا جيھاز قويادى. ۇشىنشىدەن, تەرەزە بەكىتكىشى دۇرىس ورناتىلمايدى. تورتىنشىدەن, بالالار ۇيىندە باقىلاۋسىز قالادى.
«بيىكتەن قۇلاۋ – بالالار ومىرىنە قاۋىپ توندىرەتىن جايت. ءبىر جىل ىشىندە جەدەل مەديتسينالىق جاردەم قىزمەتىندە 155 جاعداي تىركەلدى. ونىڭ 61-ءى بالالارعا قاتىستى دەرەك. وكىنىشكە قاراي, ءبىر جاعداي ولىممەن اياقتالدى», دەپ مالىمدەدى باسقارمانىڭ ءباسپاسوز قىزمەتى.