مەرەكە كۇندەرى پويىز بەن ۇشاق كەستەسى قالاي وزگەرەدى؟

جاڭا جىلدىق كەستە: بيلەت باعاسى مەن قوسىمشا ۆاگوندار

مەرەكە كۇندەرىنە وراي قتج جولاۋشىلارعا جاعىمدى جاڭالىقتار ازىرلەپ وتىر. كومپانيانىڭ مالىمەتىنشە, مەرەكە قارساڭىندا بيلەت باعاسى وزگەرىسسىز قالادى. كەرىسىنشە, سۇرانىس جوعارى باعىتتار بويىنشا تاسىمال مۇمكىندىگى ارتادى:

الماتى – استانا: №201 جانە №202 پويىزدارى الماتىدان 20, 22, 24, 26, 28, 30 جەلتوقسان جانە 2, 4 قاڭتار كۇندەرى اتتانادى. ال ەلوردادان كەرى قاراي 21, 23, 25, 27, 29, 31 جەلتوقسان مەن 3, 5 قاڭتاردا جولعا شىعادى. استانا – شىمكەنت: №203 جانە №204 پويىزدارى ەلوردادان 20, 23, 26, 29 جەلتوقسان جانە 2 قاڭتاردا جۇرەدى. شىمكەنت قالاسىنان رەيستەر 22, 25, 28, 30 جەلتوقسان مەن 4 قاڭتارعا جوسپارلانعان. اقتوبە – استانا: №257 جانە №258 پويىزدارى اقتوبەدەن 20, 23, 26, 29 جەلتوقسان جانە 2 قاڭتاردا شىعادى. استانادان كەرى قايتۋ رەيستەرى 22, 24, 28, 30 جەلتوقسان مەن 4 قاڭتار كۇندەرىنە بەلگىلەندى.

بۇعان دەيىن «جولاۋشىلار تاسىمالى» اق شۆەيتساريالىق Stadler كومپانياسىمەن 557 جاڭا ۆاگون ساتىپ الۋ تۋرالى كەلىسىمگە كەلگەن بولاتىن. بۇل زاماناۋي ۆاگونداردىڭ (كۋپە, پلاتسكارت, مۇمكىندىگى شەكتەۋلى جاندارعا ارنالعان جانە گەنەراتورلى ۆاگوندار) العاشقى لەگى 2026 جىلدىڭ قاڭتارىنان باستاپ تۇراقتى باعىتتارعا شىعارىلا باستايدى. جاڭا پويىزدار كونديتسيونەرلەرمەن, بەينەباقىلاۋمەن, ءورت ءسوندىرۋ جۇيەسىمەن جانە ءار ورىنعا ارنالعان USB-ۇياشىقتارمەن جابدىقتالعان.

قازاقستاندا جاڭا جىل قارساڭىندا قوسىمشا پويىزدار قاتىنايدى

اۋە قاتىناسى: قوسىمشا رەيستەر مەن ءتيىمدى جوسپارلاۋ

الماتى, شىمكەنت جانە اقتاۋ سياقتى نەگىزگى باعىتتار بويىنشا سىيىمدىلىعى جوعارى ءىرى ۇشاقتار مەن قوسىمشا رەيستەر بەلگىلەنەدى:

SCAT اۆياكومپانياسى (39 رەيس): ەڭ كوپ ءوسىم استانا – الماتى (16 رەيس) جانە الماتى – شىمكەنت (10 رەيس) باعىتتارىندا بايقالادى. سونداي-اق الماتىدان ماسكەۋگە (7), جەزقازعانعا (2), اقتوبەگە (2), وسكەمەنگە (1) جانە استانادان شىمكەنتكە (1) قوسىمشا ۇشاقتار قاتىنايدى. FlyArystan اۆياكومپانياسى (39 رەيس): استانا مەن الماتى اراسىندا 9 رەيس قوستى. سونىمەن قاتار شىمكەنت, پاۆلودار, اقتوبە, اتىراۋ, ورال, قوستاناي, قىزىلوردا, تۇركىستان, اقتاۋ جانە قاراعاندى باعىتتارى بويىنشا رەيستەر سانى ارتتى. Air Astana اۆياكومپانياسى (10 رەيس): اۋە كومپانياسى استانا – الماتى باعىتى بويىنشا قوسىمشا 10 رەيس ورىندايدى. قازىرگى ۋاقىتتا باسقا دا باعىتتار بويىنشا رەيستەردى كوبەيتۋ ماسەلەسى قاراستىرىلىپ جاتىر. Qazaq Air اۆياكومپانياسى (3 رەيس): ەلوردادان اقتوبە, شىمكەنت جانە قىزىلوردا قالالارىنا قوسىمشا ءبىر-ءبىر رەيستەن قوسىلدى.

كولىك ۆيتسە-ءمينيسترى ماقسات قالياكپاروۆ كەلەر جىلى اۋە بيلەتتەرىنىڭ باعاسىن كوتەرۋ جوسپاردا جوق ەكەنىن اتاپ ءوتتى. بۇگىندە جولاۋشىلاردىڭ 50%-دان استامى ءوز ساپارلارىن الدىن الا جوسپارلاۋعا داعدىلانعان.