2025-2027 جىلدارى باتىس قازاقستان وبلىسىندا 86 مەكتەپتى كۇردەلى جوندەۋ جوسپارلانعان بولاتىن. بيىل سونىڭ التاۋى جوندەلدى. جاقىندا قازتالوۆ اۋدانىنداعى قاراوزەن مەكتەپ-ليتسەيى عيماراتى جوندەلىپ, پايدالانۋعا بەرىلدى, دەپ حابارلايدى Egemen.kz.
اۋىل مەكتەبىن قالاداعى ءبىلىم وردالارىنان كەم قىلماۋ, ەلدەگى ءۇش اۋىسىمدى جانە اپاتتى مەكتەپتەردىڭ سانىن ازايتۋ – مەملەكەت باسشىسى قاسىم-جومارت كەمەل ۇلى توقاەۆتىڭ ءوزى قاداعالاپ وتىرعان مىندەتتىڭ ءبىرى. بۇل تاپسىرمانىڭ جۇيەلى جۇزەگە اسىرىلۋى «AMANAT» پارتياسىنىڭ سايلاۋالدى باعدارلاماسىنا دا كىرگەن بولاتىن. قازتالوۆ اۋدانىنداعى بەلگىلى قاراوزەن مەكتەپ-ليتسەيى جانىنداعى ينتەرنات ۇيىمەن بىرگە كۇردەلى جوندەۋدەن ءوتىپ, جاڭا جىل قارساڭىندا قايتا پايدالانۋعا بەرىلدى.
اۋدان اكىمى اسلانبەك سارقۇلوۆتىڭ ايتۋىنشا, قازتالوۆ اۋدانىندا سوڭعى 4 جىلدا 4 مەكتەپ كۇردەلى جوندەۋدەن وتسە, 5 جاڭا مەكتەپ پايدالانۋعا بەرىلگەن. بۇل جۇمىستار وڭىردە ءبىلىم ساپاسىنىڭ ارتۋىنا دا وڭ ىقپالىن تيگىزەرى ءسوزسىز.
قاراوزەن مەكتەپ-ليتسەيى عيماراتى 1978 جىلى سالىنعان بولاتىن. جوندەۋ ناتيجەسىندە مەكتەپتىڭ ماتەريالدىق-تەحنيكالىق بازاسى نىعايىپ, زاماناۋي كەيىپكە ەندى. قازىر 350 ورىنعا ەسەپتەلگەن مەكتەپتە 228 وقۋشى ءبىلىم الادى. 14 بالا مەكتەپالدى دايارلىق سىنىبىنا بارادى. مەكتەپتە 44 پەداگوگ ساباق بەرەدى.
- مەملەكەت باسشىسىنىڭ باستاماسىمەن جانە ءوڭىر باسشىلىعىنىڭ قولداۋىمەن مەكتەبىمىز كۇردەلى جوندەۋدەن ءوتتى. ءبىلىم وشاعىنىڭ زاماناۋي تالاپقا ساي بولعانىنا ءبىز, اۋىل تۇرعىندارى, قاتتى قۋانىشتىمىز, - دەيدى قاراوزەن اۋىلىنىڭ اقساقالى بولات بەكەشوۆ.
باتىس قازاقستان وبلىسى