سولتۇستىك كورەيانىڭ ورتالىق تەلەگراف اگەنتتىگى (تستاك) حابارلاعانداي, كيم چەن ىن اسكەري-تەڭىز ۆەدومستۆوسىنىڭ نىسانىنا ارنايى بارىپ, يادرولىق قوندىرعىمەن جابدىقتالعان ستراتەگيالىق سۇڭگۋىر قايىقتى تەكسەردى. باسشىعا كەمە جاساۋ سالاسى مەن قورعانىس عىلىمىنىڭ جەتەكشىلەرى جۇمىستىڭ اعىمداعى كەزەڭى تۋرالى ەسەپ بەرگەن.
بۇل سۋاستى كەمەسى باسقارىلاتىن زىمىرانداردى ۇشىرۋعا ارنالعان. كيم چەن ىننىڭ ايتۋىنشا, مۇنداي قۋاتتى شابۋىلداۋشى قۇرىلعىنى جاساۋ – ەلدىڭ دەربەس قورعانىس ساياساتىن جۇزەگە اسىرۋدىڭ كەپىلى جانە قاۋىپسىزدىكتى قورعاۋدىڭ نەگىزگى ءتاسىلى. پحەنيان بيلىگى بۇل جوبانىڭ اياقتالۋى ەلدىڭ اسكەري-تەڭىز كۇشتەرى ءۇشىن «بەتبۇرىس كەزەڭى» بولادى دەپ سەندىرىپ وتىر.
سونىمەن قاتار كيم چەن ىن وڭتۇستىك كورەيانىڭ اقش-تىڭ قولداۋىمەن اتومدىق سۇڭگۋىر قايىق جاساۋ جوسپارىن قاتاڭ سىنعا الدى. ول مۇنى قحدر-دىڭ تەڭىزدەگى ەگەمەندىگىنە تونگەن قاۋىپ دەپ اتاپ, پحەنياندى فلوتتى مودەرنيزاتسيالاۋدى جەدەلدەتۋگە ماجبۇرلەيتىنىن ايتتى.
قازىرگى ۋاقىتتا سولتۇستىك كورەيادا بۇدان بولەك سوققى بەرۋشى ەسمينەتستەر مەن جاڭا سۋاستى قارۋلارىنىڭ قۇرىلىسى ءجۇرىپ جاتىر.