اۋىل شارۋاشىلىعى مينيسترلىگى ءسابىزدى ەلىمىزدەن تىس اۋماققا تاسىمالداۋعا ۋاقىتشا شەكتەۋ ەنگىزبەك. بۇيرىق جوباسى اشىق نورماتيۆتىك قۇقىقتىق اكتىلەر پورتالىندا جاريالاندى, دەپ جازادى Egemen.kz.
ءترانزيتتى قوسپاعاندا ەلىمىزدەن بارلىق كولىك تۇرىمەن ءسابىزدى شەتكە, ەۋرازيالىق ەكونوميكالىق وداققا مۇشە ەلدەرگە تاسىمالداۋعا 3 اي بويى رۇقسات ەتىلمەيدى.
جالپى قازاقستاننىڭ شەتەلگە ءسابىز ساتۋ كورسەتكىشى 37,6%-عا ءوسىپ, 18 200 تونناعا جەتكەن.
بيىل وزبەكستانعا – 4500 توننا, ۋكرايناعا – 567 توننا, تاجىكستانعا – 532,4 توننا, بەلورۋسسياعا – 113,4 توننا ءسابىز تاسىمالدانعان. ال بىلتىر اتالعان ەلدەرگە ءسابىز جەتكىزىلمەگەن. اتالعان ءونىمنىڭ نەگىزگى بولىگى شامامەن 12,4 مىڭ توننا رەسەيگە تاسىمالدانادى.
بۇعان دەيىن سيىر ەتىن ەكسپورتتاۋعا شەكتەۋلەر تاعى جارتى جىلعا ۇزارتىلعانىن حابارلاعانبىز.