ەلوردا نىساندارىن ارالاۋ كەزىندە قاسىم-جومارت توقاەۆ Tausogar زاۋىتىنا باردى. №1 يندۋستريالدىق پاركتە ورنالاسقان كاسىپورىن قۇرىلىس سالاسىن زاماناۋي جۇك كوتەرگىش ماشينالارمەن جانە مەحانيزمدەرمەن قامتاماسىز ەتەدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
پرەزيدەنت ەلدەگى ءىرى قۇرىلىس كومپانيالارىنا قاجەتتى مۇنارا كراندارى مەن ەسكالاتورلار وندىرىسىمەن تانىستى.
قازىر Tausogar زاۋىتىندا جوعارى بىلىكتى 44 مامان ەڭبەك ەتەدى. ءوندىرىس ورنى جىلىنا 200 ليفت, 70 ەسكالاتور جانە 70 مۇنارا كرانىن شىعارا الادى.
مەملەكەت باسشىسى ەڭبەك ۇجىمىمەن اڭگىمەلەسۋ بارىسىندا كاسىپورىننىڭ ەل ينفراقۇرىلىمىن دامىتۋعا قوسقان ۇلەسىن اتاپ ءوتىپ, ونىڭ الداعى ۋاقىتتا باسەكەگە قابىلەتتىلىگى ارتا تۇسەتىنىنە سەنىم ءبىلدىردى.