شوتلانديا مۇعالىمدەرگە ءتورت كۇندىك جۇمىس اپتاسىن سىناقتان وتكىزبەك. بۇل – جاي ەكسپەريمەنت ەمەس, ۇستازداردىڭ جۇكتەمەسىن ازايتىپ, ماماندىقتىڭ بەدەلىن ارتتىرۋعا باعىتتالعان قادام.
ۇكىمەتتىڭ جوسپارى بويىنشا, قاناتقاقتى جوبا اياسىندا ساباق تەك ءتورت كۇن بولماق. ال دايىندىق, جوسپارلاۋ, وقۋشىلاردىڭ جۇمىستارىن باعالاۋ سياقتى تولىپ جاتقان كوزگە كورىنبەيتىن ەڭبەك مەكتەپتەن تىس جەردە اتقارىلادى. نەگىزگى ماقسات – مۇعالىمگە ەركىندىك بەرسە, وقۋ ساپاسى دا جوعارىلايتىنىن دالەلدەۋ. جوبا ۇستازداردىڭ كۇيزەلىس دەڭگەيىنە, مامانداردىڭ مەكتەپتە تۇراقتاپ قالۋىنا, ءبىلىم ساپاسىنا قالاي اسەر ەتەتىنىن جان-جاقتى باعالاۋعا مۇمكىندىك بەرەدى.