ماڭعىستاۋ وبلىسىنىڭ اكىمى نۇرداۋلەت قيلىباي جاڭاوزەن قالاسىنا جۇمىس ساپارىمەن بارىپ, قالالىق جەدەل مەديتسينالىق كومەكتىڭ ماتەريالدىق-تەحنيكالىق بازاسىن جاڭارتۋ ماقساتىندا جاڭاوزەن قالالىق جەدەل جاردەم بولىمشەسىنە Hyundai Staria ماركالى بەس جاڭا جەدەل جاردەم اۆتوكولىگىن تابىستادى, دەپ حابارلايدى Egemen.kz.
2025 جىلى شىعارىلعان جاڭا كولىكتەر تولىقتاي زاماناۋي مەديتسينالىق قۇرىلعىلارمەن جابدىقتالعان. ءاربىر اۆتوكولىكتە دەفيبريللياتور, اسپيراتور, وكپەنى جاساندى جەلدەتۋ (يۆل) اپپاراتى, رەانيماتسيالىق ريۋكزاك, 15 ليترلىك وتتەگى باللونى جانە مەديتسينالىق كاتالكا ورناتىلعان. بۇل جابدىقتار دارىگەرلەرگە شۇعىل جاعدايلاردا جىلدام ءارى ساپالى كومەك كورسەتۋگە مۇمكىندىك بەرەدى.
ايماق باسشىسى ءوز سوزىندە بۇنداي يگىلىكتى ءىس مەملەكەت تاراپىنان لايىقتى قولداۋ تاۋىپ, ءوز كەزەگىمەن جالعاسىن تاباتىنىن اتاپ ءوتتى.
- حالىقتىڭ دەنساۋلىعىن قورعاۋ – ءبىزدىڭ باستى باسىمدىعىمىز. مەملەكەت باسشىسىنىڭ تاپسىرماسىنا ساي وڭىردە جەدەل جاردەم قىزمەتىنىڭ ۋاقىتىلى ءارى ءتيىمدى جۇمىس ىستەۋى ءۇشىن جۇيەلى جۇمىستار جۇرگىزىلۋدە. كولىكتەرىڭىز ەلدىڭ دەنساۋلىعىن جاقسارتۋعا سەپتىگىن تيگىزە بەرسىن. سالاۋاتتى ءومىر سالتىن قالىپتاستىرۋ باعىتىنداعى جۇمىستارىڭىزعا ساتتىلىك تىلەيمىن, - دەدى نۇرداۋلەت قيلىباي.