فيزيكتەردىڭ اراسىندا ء«بىر بولشەكتىڭ بارلىق قاسيەتىن ءبىر ۋاقىتتا باقىلاۋعا بولا ما؟» دەگەن سۇراق كوپ جىلدان بەرى تالقىلانىپ كەلە جاتىر. ەينشتەين بۇعان «مۇمكىن» دەسە, بور «كۆانت الەمى وندايعا رۇقسات بەرمەيدى» دەگەن تۇجىرىم ايتقان.
قىتاي زەرتتەۋشىلەرى وسى پىكىرتالاسقا قايتا ورالىپ, ءبىر اتوم دەڭگەيىندە جۇمىس ىستەيتىن وتە سەزىمتال قۇرىلعى جاسادى. سول قۇرىلعىنىڭ كومەگىمەن ولار ەينشتەين 1927 جىلى ۇسىنعان ويشا ەكسپەريمەنتتى ورىنداعان. ناتيجەسىندە, بوردىڭ پىكىرى راستالدى. ياعني كۆانتتىق بولشەكتى باقىلاعاندا ونىڭ بارلىق قاسيەتىن ءبىر مەزەتتە انىقتاۋ مۇمكىن ەمەس. ولشەۋدىڭ ءوزى جۇيەگە اسەر ەتىپ, اقپاراتتىڭ ءبىر بولىگىن وزگەرتەدى. قاراپايىم تىلمەن ايتقاندا, ميكرودۇنيە بىزگە بىردەن قۇپياسىن اشپايدى. ءبىر قاسيەتىن كورسەڭ, ەكىنشىسى كومەسكىلەنىپ قالادى.