قازاقستان مەن وپەك حالىقارالىق دامۋ قورى اراسىنداعى ىنتىماقتاستىق ورتالىق ازيا ەلدەرىندەگى ەكونوميكالىق جوبالاردى قارجىلاندىرۋدا ماڭىزدى ءرول اتقارادى. سوڭعى 20 جىلدا قور وڭىرگە 1,4 ملرد دوللاردان استام ينۆەستيتسيا قۇيىپ, ينفراقۇرىلىم مەن الەۋمەتتىك جوبالاردى دامىتۋعا قولداۋ كورسەتتى, دەپ حابارلايدى Egemen.kz.
ۇلتتىق ەكونوميكا ءبىرىنشى ۆيتسە-ءمينيسترى ازامات ءامرين پارلامەنت ءماجىلىسىنىڭ پلەنارلىق وتىرىسىندا دەپۋتاتتارعا قازاقستان رەسپۋبليكاسىنىڭ ۇكىمەتى مەن وپەك حالىقارالىق دامۋ قورى اراسىنداعى جەكە سەكتورداعى وپەراتسيالاردى ۇيىمداستىرۋ تۋرالى نەگىزدەمەلىك كەلىسىمدى راتيفيكاتسيالاۋ جونىندەگى زاڭ جوباسىن تانىستىردى.
وپەك قورىنىڭ ميسسياسى – دامۋشى مەملەكەتتەرگە قارجىلىق قولداۋ كورسەتۋ.
مينيسترلىكتىڭ مالىمەتىنشە, قوردىڭ 49 جىلدىق تاريحىندا الەمنىڭ 125 ەلىندە 4 مىڭنان استام جوبا ىسكە اسىرىلىپ, جالپى سوماسى 30 ملرد دوللاردان استام قاراجات بولىنگەن.
سونىمەن قاتار ورتالىق ازياعا 20 جىل ىشىندە 1,4 ملرد دوللاردان استام قارجى سالعان.