الماتىدا جىل باسىنان بەرى ازىق-ت ۇلىك جانە ساۋدا جەلىلەرىنە جۇرگىزىلگەن تەكسەرىستەر ناتيجەسىندە 420-دان استام كاسىپكەر اكىمشىلىك جاۋاپكەرشىلىككە تارتىلدى, دەپ حابارلايدى Egemen.kz ساۋدا جانە ينتەگراتسيا مينيسترلىگىنە سىلتەمە جاساپ.
الماتى قالاسى بويىنشا ساۋدا جانە تۇتىنۋشىلاردىڭ قۇقىعىن قورعاۋ دەپارتامەنتى جىل باسىنان بەرى «اكىمشىلىك قۇقىق بۇزۋشىلىق تۋرالى» كودەكسىنىڭ 204-4-بابىنا سايكەس, Small, JLC, Galmart, Toimart, My Mart ساۋدا جەلىسى, ا-ستور, بەككەر, سۋپەرماركەت Carefood, «Food Beverage Trading» جشس, «Airba Fresh» جشس, «Good Luck Trade» جشس, «Mix Market Trade» جشس جانە باسقا دا كاسىپكەرلىك سۋبەكتىلەرىنە قاتىستى جوسپاردان تىس تەكسەرۋلەر جۇرگىزىلىپ, 420-دان استام كاسىپكەرلىك سۋبەكتى اكىمشىلىك جاۋاپكەرشىلىككە تارتىلدى.
«ماسەلەن قر اقبتك 204-4-بابىنىڭ 2-بولىگىنە سايكەس «مەترو» ءىرى ساۋدا جەلىسى الەۋمەتتىك ماڭىزى بار ازىق-ت ۇلىك تاۋارلارىنا 15% ساۋدا ۇستەمەسىن اسىرعانى ءۇشىن اكىمشىلىك جاۋاپكەرشىلىككە تارتىلدى. «مەترو كەش ەند كەرري» جشس دەپارتامەنت شىعارعان اكىمشىلىك شەشىمگە بارلىق سوت ينستانتسيالارىندا, سونىڭ ىشىندە كاسساتسيالىق تارتىپپەن شاعىمداندى, بىراق ناتيجە بولمادى, ويتكەنى دەپارتامەنتتىڭ ارەكەتتەرى زاڭدى», دەپ جازدى مينيسترلىك.
ايتا كەتۋ كەرەك, «مەترو كەش ەند كەرري» جشس 2024 جىلى ساۋدا ۇستەمەسى ءۇشىن ايىپپۇل ارقالاعان بولاتىن.
سونداي-اق, الماتى قالاسىنىڭ «Small» جانە «Toimart» سياقتى ءىرى ساۋدا جەلىلەرى ساۋدا ۇستەمەسىن 15%-عا اسىرعان.
ودان بولەك دەپارتامەنت مەملەكەتتىك باقىلاۋ فۋنكتسيالارىن ىسكە اسىرۋ بويىنشا كەشەندى ءىس-شارالاردى وتكىزگەن كەزدە, SMALL ساۋدا جەلىسىن سوت قر اقبتك-ءنىڭ 462-بابى بويىنشا, مەملەكەتتىك باقىلاۋ فۋنكتسيالارىن ورىنداۋى كەزىندە دەپارتامەنتتىڭ لاۋازىمدى تۇلعالارىنا كەدەرگى كەلتىرگەنى ءۇشىن, جاۋاپقا تارتتى.
قازىرگى ۋاقىتتا ءۇي جانىنداعى دۇكەندەردە الەۋمەتتىك ماڭىزى بار ازىق-ت ۇلىك تاۋارلارىن ساتاتىن جوسىقسىز كاسىپكەرلەردى اكىمشىلىك جاۋاپكەرشىلىككە تارتۋ بويىنشا كەشەندى جۇمىس جۇرگىزىلىپ جاتىر.
ايتا كەتەيىك, الماتى قالاسى بويىنشا ساۋدا جانە تۇتىنۋشىلاردىڭ قۇقىعىن قورعاۋ دەپارتامەنتى الەۋمەتتىك ماڭىزى بار تاۋارلارعا ساۋدا ۇستەمەسىن ارتتىرعان كاسىپكەرلەرگە 32 ملن تەڭگەدەن استام ايىپپۇل سالدى.