تەرگەۋ سوتى ORDA باسىلىمىنىڭ باس رەداكتورى گۇلنار باجكەنوۆانى ءۇي قاماققا الۋعا سانكتسيا بەردى. بۇل تۋرالى الەۋمەتتىك جەلىدە رەداكتسيا ادۆوكاتى مۇرات ادام حابارلادى, دەپ جازادى Egemen.kz.
«تەرگەۋ سوتى 2 اي ءۇي قاماۋعا الۋ تۋرالى شەشىم شىعاردى», دەپ جازدى مۇرات ادام ءوزىنىڭ Facebook پاراقشاسىندا.
ايتا كەتەيىك, 1 جەلتوقسان كۇنى گۇلنار باجكەنوۆاعا قاتىستى قىلمىستىق ءىس قوزعالعانىن حابارلاعان ەدىك. سونىمەن قاتار گۇلنار باجكەنوۆانىڭ پاتەرىندە جانە ORDA رەداكتسياسىندا ءتىنتۋ باستالعان.
الماتى پوليتسيا دەپارتامەنتى باجكەنوۆاعا قاتىستى جالعان مالىمەتتەردى تاراتقانى ءۇشىن بىرنەشە قىلمىستىق ءىس قوزعالعانىن حابارلادى.