ارقا جۇرتىنىڭ ماقتانىشى, بەلگىلى ءداستۇرلى ءانشى, ونەرتانۋشى ەرلان تولەۋتاي حالىقارالىق دەڭگەيدەگى قوس بىردەي جوعارى ماراپاتقا يە بولدى. يرلانديانىڭ دۋبلين قالاسىندا وتكەن XIII Silk Road International Film Festival قورىتىندىسىندا رەجيسسەر ەلزات ەسكەندىردىڭ ء«ابىل» فيلمىندە باستى ءرولدى سومداعان ەرلان تولەۋتاي «ۇزدىك اكتەر» جۇلدەسىن يەلەنگەن, دەپ حابارلايدى Egemen.kz.
مينيسترلىك ەرلان تولەۋتايعا جانە ءفيلمنىڭ شىعارماشىلىق توبىنا ۇلتتىق كينەماتوگرافيانى دامىتۋعا, قازاقستاندىق ونەردى شەتەلدە ناسيحاتتاۋعا قوسقان ۇلەسى ءۇشىن شىنايى العىس ءبىلدىردى.
«بۇل وتاندىق كينەماتوگرافيا ءۇشىن قۋانىشتى ءارى ماڭىزدى جاڭالىق. اتالعان ماراپات قازاقستاندىق كينوعا دەگەن قىزىعۋشىلىقتىڭ ارتىپ كەلە جاتقانىن جانە وتاندىق اكتەرلەردىڭ كاسىبي دەڭگەيىنىڭ جوعارى ەكەنىن كورسەتەدى. ء«ابىل» ءفيلمى دە, باستى ءرولدى سومداعان اكتەر دە قازاقستان كينوسىنىڭ الەمدىك مادەني كەڭىستىكتە لايىقتى دەڭگەيدە تانىلا الاتىنىن تاعى ءبىر مارتە دالەلدەدى», دەلىنگەن مادەنيەت جانە اقپارات مينيسترلىگىنىڭ حابارلاماسىندا.
بۇعان دەيىن ء«ابىل» ءفيلمى فرانتسياداعى 31-ءشى Vesoul حالىقارالىق ازيا كينوفەستيۆالىندە ءۇش بىردەي جۇلدەنى – Jury Grand Prize, Critical Jury Prize جانە NETPAC Jury Prize – جەڭىپ العان بولاتىن. ال, ەرلان تولەۋتايدىڭ وسىعان دەيىن دە, قىرعىزستان استاناسىندا وتكەن III بىشكەك حالىقارالىق كينوفەستيۆالىندە ەلزات ەسكەندىردىڭ ء«ابىل» فيلمىندەگى باستى ءرولى ءۇشىن «ەڭ ۇزدىك اكتەر» جۇلدەسىن يەلەنگەن ەدى.
قازىلار القاسىنىڭ قۇرامىندا فرانتسيا, يتاليا, گەرمانيا, نيدەرلاندى جانە بانگلادەش ەلدەرىنەن كەلگەن كينو ماماندارى بولدى.
«ستسەناريگە ساي كەيىپكەرىڭىزگە تاڭدايتىن اكتەر بولمىس-ءبىتىمى, ىشكى ەنەرگياسىمەن جاقىن بولۋى كەرەك. كاسىبي بولۋ-بولماۋى ماڭىزدى ەمەس. ەڭ باستىسى – ەنەرگيا. مەن 2015 جىلى ستسەناري جازىلعان كەزدە شىن ومىردەگى ء«ابىلدى» ىزدەدىم. سول ەنەرگيالىق تۇتاستىقتى ەرلان تولەۋتايدان كوردىم. سەبەبى ول – دالالىق سيپات, تابيعي رەڭىن جوعالتپاعان ادام», دەگەن بولاتىن رەجيسسەر.
كينوتۋىندى 1990 جىلدارداعى قازاق اۋىلىنداعى الەۋمەتتىك-ەكونوميكالىق قيىندىقتاردى, مال-م ۇلىكتىڭ جاپپاي بولىسكە ءتۇسۋىن, قوعامداعى ادىلەتسىزدىك پەن جەمقورلىقتىڭ كۇشەيۋىن, الەۋمەتتىك تەڭسىزدىك پەن رۋحاني داعدارىستى شىنايى كورسەتەدى.
قاراعاندى وبلىسى