كامچاتكاداعى تاس جولداردىڭ بىرىندە مىڭداعان سولتۇستىك بۇعىلارىنىڭ ۇدەرە كوشىپ بارا جاتقانى كوزگە ءتۇستى.
جەرگىلىكتى تۇرعىندار ءتۇسىرىپ العان كادرلاردا ۇزىننان سوزىلعان تابىننىڭ ەش كەدەرگىسىز تراسسانى كەسىپ ءوتىپ, اق قارعا جول سالىپ, جايباراقات جىلجىپ بارا جاتقانى كورىنەدى. بۇل – ولاردىڭ جىل سايىنعى تابيعي كوش جولى. قىستا بۇعىلار جايىلىم ىزدەپ, كليماتى جۇمساقتاۋ تاۋ بوكتەرلەرىنە كەتەدى. ال كوكتەم شىققاندا قايتادان قالىپتى مەكەنىنە ورالادى. جانۋارلار عاسىرلار بويى قالىپتاسقان داعدىلى باعىتپەن جۇرەدى. سول كەزدە قارا جولدا كولىك قوزعالىسى ۋاقىتشا توقتايدى.