مەملەكەت باسشىسى جولداۋىندا اۋىلدىڭ ەل ەكونوميكاسى مەن الەۋمەتتىك تۇراقتىلىقتاعى شەشۋشى ءرولىن ايقىن كورسەتتى. سوندىقتان ونى دامىتۋ جەكەلەگەن ينفراقۇرىلىمدىق جوبالارمەن شەكتەلمەي, كەشەندى تۇردە جۇرگىزىلۋى كەرەك. اۋىل تۇرعىندارىن ساپالى جولمەن, تازا اۋىزسۋمەن, جارىقپەن, ينتەرنەتپەن, مەديتسينا, ءبىلىم قىزمەتتەرىمەن قامتاماسىز ەتۋ – بۇگىنگى كۇننىڭ ماڭىزدى تاقىرىبى.
بۇل رەتتە جەتىسۋدا اۋقىمدى جۇمىستار اتقارىلىپ جاتىر. ماسەلەن, سۋ شارۋاشىلىعى سالاسىندا جالپى قۇنى 35,6 ملرد تەڭگەنى قۇرايتىن 11 نىساننىڭ قۇرىلىسى قولعا الىندى. بۇگىندە ولاردىڭ بەسەۋى پايدالانۋعا بەرىلىپ, قالعان التاۋى 2028 جىلعا دەيىن اياقتالۋعا ءتيىس. ناتيجەسىندە, 5,3 مىڭ گەكتار جاڭا سۋارمالى جەر اينالىمعا ەنگىزىلىپ, 36 مىڭ گەكتار القاپ قايتا قالپىنا كەلتىرىلەدى.
ال بىلتىر جولداردى جوندەۋگە 41 ملرد تەڭگە ءبولىنىپ, 193 شاقىرىم وبلىستىق ماڭىزى بار جولدار مەن 54 ەلدى مەكەننىڭ ىشكى كوشەلەرى جاڭارتىلدى. بيىل جول ينفراقۇرىلىمىن دامىتۋعا 52 ملرد تەڭگە باعىتتالىپ, 333 شاقىرىم جولدى جوندەۋ جوسپارلانعان. قازىر وڭىرلەردى جۇيەلى تۇردە تابيعي گازعا قوسۋ جۇمىسى كەزەڭ-كەزەڭىمەن جۇرگىزىلىپ جاتىر. اۋىلداردى گازداندىرۋ كورسەتكىشى 110 ەلدى مەكەندى قامتىپ وتىر. 2027 جىلعا قاراي گازداندىرۋ دەڭگەيى 91%-عا جەتىپ, 210 اۋىل تولىق قامتىلاتىن بولادى.
«جولداۋدا كورسەتىلگەن باسىمدىقتارعا سايكەس, وبلىستا 2025 جىلى ءبىلىم, دەنساۋلىق ساقتاۋ, تۇرعىن ءۇي, مادەنيەت, سپورت, ينجەنەرلىك جەلىلەر سالالارى بويىنشا كەڭ اۋقىمدى قۇرىلىس جۇمىستارى جۇرگىزىلىپ جاتىر. بيىل 271 نىسان پايدالانۋعا بەرىلدى, ونىڭ ىشىندە 8 ءبىلىم بەرۋ نىسانى, 101 دەنساۋلىق ساقتاۋ, 133 تۇرعىن ءۇي, 4 مادەنيەت, 3 سپورت, 20 ينجەنەرلىك جەلى, 1 ءورت ءسوندىرۋ دەپوسى جانە 1 اۋىل شارۋاشىلىعى نىسانى بار. اتالعان جوبالار حالىقتىڭ ءومىر ءسۇرۋ ساپاسىن ارتتىرۋعا, اۋىلدىق جانە قالالىق ايماقتارداعى ينفراقۇرىلىمدى جاڭعىرتۋعا, قىزمەت كورسەتۋ دەڭگەيىن كوتەرۋگە باعىتتالعان. وعان قوسا 375 مىڭ شارشى مەتر تۇرعىن ءۇي پايدالانۋعا بەرىلەدى دەپ كوزدەلگەن. پرەزيدەنت تاپسىرماسى بويىنشا جاڭا تۇرعىن اۋدانداردى ينجەنەرلىك-كوممۋنيكاتسيالىق ينفراقۇرىلىممەن قامتاماسىز ەتۋ جۇمىستارى دا جۇيەلى تۇردە جۇرگىزىلىلىپ جاتىر. 2025 جىلى 39 نىساننىڭ قۇرىلىسىنا 24,8 ملرد تەڭگە ءبولىندى. ونىڭ 20-سى بيىل, قالعانى 2026 جىلى اياقتالادى», دەيدى وبلىستىق ءماسليحات توراعاسى گۇلنار تويلىباەۆا.
بيىل وبلىستا بارلىعى 101 دەنساۋلىق ساقتاۋ نىسانىنىڭ قۇرىلىسى مەن جوندەۋ جۇمىستارى جوسپارلانعان. ونىڭ ىشىندە 44 نىسان – پرەزيدەنتتىڭ جولداۋىندا اتاپ كورسەتىلگەن اۋىلدىق دەنساۋلىق ساقتاۋ جۇيەسىن مودەرنيزاتسيالاۋ باعىتى اياسىندا جۇزەگە اسىرىلادى. سونىمەن قاتار اگروسەكتوردى قولداۋعا 64 ملرد تەڭگە ءبولىنىپ, ونىڭ ىشىندە سۋبسيديا, جەڭىلدەتىلگەن نەسيە جانە ليزينگتىك قارجىلاندىرۋ تەتىكتەرى ارقىلى شارۋالاردىڭ وندىرىستىك مۇمكىندىكتەرىن كەڭەيتۋگە جاعداي جاسالىپ جاتىر. «كەڭ دالا» باعدارلاماسىنىڭ اياسىندا قوسىمشا قارجى قاراستىرىلىپ, كۇزگى دالا جۇمىستارىنا وتىنىمدەر قابىلدانادى. ءوڭىردىڭ ستراتەگيالىق داقىلى سانالاتىن قانت قىزىلشاسىن تولىق وڭدەپ, جىل سوڭىنا دەيىن 90 مىڭ توننا قانت ءوندىرۋ جوسپارلانعان. ودان بولەك جۇگەرى, ءسۇت, مايلى ءارى ءداندى داقىلداردى وڭدەۋ ۇلەسىنىڭ ءوسۋى اۋىل ەكونوميكاسىنىڭ ءتۇرلى باعىتتا دامىپ جاتقانىن كورسەتەدى.
«مەملەكەت باسشىسىنىڭ العا قويعان مىندەتتەرىن ورىنداۋ, ىسكە اسىرىلۋىن باقىلاۋ جانە مونيتورينگ جۇرگىزۋ – دەپۋتاتتاردىڭ كۇندەلىكتى جۇمىستارىنىڭ ءبىرى. وبلىستىق ءماسليحات دەپۋتاتتارى ۇنەمى سالىنىپ جاتقان نىسانداردىڭ قۇرىلىسىن قاداعالاپ, جولداردىڭ ساپاسىن باقىلاپ, «اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسىنىڭ ىسكە اسىرىلۋىن باستالعان كۇننەن بەرى نازاردا ۇستاپ كەلەدى. سونداي-اق, وسى جىلدىڭ تامىز ايىندا وبلىس اۋماعىندا ءبىلىم ۇيىمدارىنىڭ جاڭا وقۋ جىلىنا دايىندىعى بويىنشا مونيتورينگ جۇمىستارى جۇرگىزىلدى», دەيدى گ.تويلىباەۆا.
اتالعان مونيتورينگ ناتيجەسىندە بىرنەشە ءبىلىم ۇيىمدارىندا كەمشىلىكتەر انىقتالىپ, اعىمداعى جانە كۇردەلى جوندەۋ جۇمىستارى, جاڭا مەكتەپ قۇرىلىسى قاجەتتىلىگى انىقتالعان. سوعان ساي كوميسسيانىڭ وتىرىسى ۇيىمداستىرىلىپ, وبلىس اكىمىنە انىقتاما جولدانعان. بۇل ماسەلە دە دەپۋتاتتاردىڭ باقىلاۋىندا تۇر.
جىل باسىنان بەرى مەملەكەتتىك ورگاندارعا 156 دەپۋتاتتىق ساۋال جولدانعان. ونىڭ 50-ءى جەرگىلىكتى بيۋدجەتتەن قاراجات ءبولۋدى تالاپ ەتەتىن ساۋالدار. مەملەكەتتىك ورگاندارعا جولدانعان بارلىق دەپۋتاتتىق ساۋال ۋاقىتىمەن قارالىپ, ءتيىستى شارالار قابىلدانعان. وسى ساۋالدار نەگىزىندە 2026–2028 جىلدارعا ارنالعان وبلىستىق بيۋدجەتتى قالىپتاستىرۋ كەزىندە قاراجات تالاپ ەتەتىن دەپۋتاتتىق ساۋالداردا وڭ شەشىلىپ جاتىر.
«ماسەلەن, تالدىقورعان قالالىق كوپسالالى اۋرۋحاناسىنا ساتىپ الىنعان مەديتسينالىق بۇيىمداردى تولەۋگە, مەديتسينالىق جابدىقتاردى جوندەۋ جۇمىستارىنا جالپى سوماسى 600,6 ملن تەڭگە قاراستىرىلدى, سونداي-اق, د.راقىشەۆ اتىنداعى قازاق مەكتەپ – ينتەرناتى جاتاقحاناسىنا كۇردەلى جوندەۋ جۇمىستارىن جۇرگىزۋ ءۇشىن 82,0 ملن تەڭ-گە ءبولىندى. بۇدان باسقا, كوپتەن كوتەرىلىپ جۇرگەن ماسەلەلەردىڭ ءبىرى – كوكسۋ اۋدانى لاباسى اۋىلدىق وكرۋگى ەڭبەكشىقازاق اۋىلىندا, تەنتەك-قارابۇلاق تەمىرجول ارالىعىنىڭ 35 شاقىرىمىنداعى پك-2 جابىق وتكەلىن تۇراقتى نەگىزدە اشۋ ماسەلەسى. اتالعان ماسەلەنى شەشۋ ماقساتىندا تۇراقتى كوميسسيانىڭ جوسپاردان تىس وتىرىسىن وتكىزىپ, ناتيجەسىندە تەنتەك-قارابۇلاق تەمىرجول ارالىعىنىڭ 35 شاقىرىمىنداعى پك-2 وتكەلىن ەگىن جيناۋ جانە ەگىن ەگۋ ناۋقانى كەزىندە 3 ايعا اشۋ ماسەلەسى شەشىلدى. الايدا شارۋا قوجالىقتارىنىڭ ءوتىنىشى وتكەلدى تۇراقتى نەگىزدە اشۋ بولعان. بۇل جۇمىس ءارى قاراي جالعاسىن تاباتىن بولادى. وسى رەتتە جىل باسىنان دەپۋتاتتار 159 قوعامدىق قابىلداۋ وتكىزدى, ءوتىنىش بىلدىرگەن ازاماتتاردىڭ سانى – 316, ناتيجەسىندە, 201 ماسەلە شەشىمىن تاپتى», دەيدى گ.تويلىباەۆا.
جالپى, وبلىستا جۇزەگە اسىرىلىپ جاتقان اۋقىمدى جۇمىستار مەملەكەت باسشىسى ايقىنداعان باسىمدىقتاردىڭ ءتيىمدى ورىندالىپ جاتقانىن كورسەتەدى. اۋىلدىق اۋماقتاردى دامىتۋ, ينفراقۇرىلىمدى جاڭعىرتۋ, الەۋمەتتىك نىسانداردىڭ قولجەتىمدىلىگىن ارتتىرۋ, اۋىل شارۋاشىلىعى مەن ءوڭدىرىس سالاسىن كۇشەيتۋ – ءوڭىردىڭ ۇزاقمەرزىمدى وركەندەۋىنە باعىتتالعان جۇيەلى ساياساتتىڭ ناقتى ناتيجەسى. دەپۋتاتتاردىڭ بەلسەندى قوعامدىق باقىلاۋى, تۇرعىندارمەن تۇراقتى بايلانىسى ءارى جەرگىلىكتى اتقارۋشى ورگاندارمەن ءوزارا ءىس-قيمىلى ءوڭىردىڭ الەۋمەتتىك-ەكونوميكالىق تۇراقتىلىعىن قامتاماسىز ەتۋگە ىقپال ەتىپ وتىر.
جەتىسۋ وبلىسى