ورال قالاسىندا قازاقشا كۇرەستەن «ونەر بارىسى» ءتۋرنيرى ءوتىپ, وعان وبلىستىڭ مادەنيەت جانە ونەر قىزمەتكەرلەرى قاتىستى.
«جايىق ارەنا» سپورت كەشەنىندە وتكەن تارتىستى ءىس-شارانى باتىس قازاقستان وبلىستىق دەنە شىنىقتىرۋ جانە سپورت باسقارماسى مەن عاريفوللا قۇرمانعاليەۆ اتىنداعى وبلىستىق فيلارمونيا ۇيىمداستىرعان ەدى. تۋرنيرگە جاڭاقالا, قازتالوۆ جانە سىرىم اۋداندارىنان, ورال قالالىق مادەني-اعارتۋ بىرلەستىگى ۇجىمىنان جانە وبلىستىق فيلارمونيادان دا كۇرەسكە بەيىمى بار مادەنيەت قىزمەتكەرلەرى قاتىستى.
ساحنادا, مادەني ءىس-شارالاردا كورىنەتىن ونەرپازدار بوزكىلەمدە بەلدەسىپ, وزدەرىن جاڭا قىرىنان تانىتتى. وتە تارتىستى وتكەن دودادا سىرىم اۋدانىنىڭ كومانداسى جەڭىمپاز اتاندى. ءىى ورىن وبلىستىق فيلارمونيانىڭ «اتامەكەن» كومانداسىنا بۇيىرسا, جۇلدەلى ءىىى ورىندى جاڭاقالا اۋدانىنان كەلگەن پالۋاندار قانجىعاسىنا بايلادى. جۇلدەگەر جانە جەڭىمپاز كوماندالار ديپلوم, مەدال, قارجىلاي سىيلىقپەن ماراپاتتالدى.
باتىس قازاقستان وبلىسى