جەتىسۋدا اگرارلىق سەكتور قارقىندى دامۋدا

وبلىستىق اۋىل شارۋاشىلىعى باسقارماسىنىڭ دەرەگىنشە, بيىل ەگىس القابى 500 مىڭ گەكتاردى قۇراعان. اسىرەسە قانت قىزىلشاسىنا باسىمدىق بەرىلىپ, ونىڭ كولەمى وبلىس قۇرىلعاننان بەرى 4,2 مىڭ گەكتاردان 12,2 مىڭ گەكتارعا دەيىن ۇلعايدى. بىلتىر قانت قىزىلشاسىنىڭ جالپى ءتۇسىمى 630 مىڭ تونناعا جەتىپ, ءوڭىر رەكورد جاڭارتقان.

سالاعا تارتىلعان ينۆەستيتسيالار دا ارتىپ كەلەدى. 2023 جىلى تولىق جاڭعىرتىلعان اقسۋ قانت زاۋىتى ىسكە قوسىلسا, كوكسۋ قانت زاۋىتىن كەڭەيتۋ جوباسىنا 60 ملن ەۋرو باعىتتالۋدا. سونداي-اق ۇزاق ۋاقىت توقتاپ تۇرعان «جەتىسۋ ماجيكو» كاسىپورنى قايتا جاندانىپ, مايلى داقىلداردى وڭدەۋ قۋاتى 100 مىڭ تونناعا دەيىن جەتكىزىلدى.

وڭىردە ءداندى, مايلى داقىلدار مەن كوكونىستەردى جيناۋ اياقتالدى: 284,9 مىڭ گەكتاردان 771,9 مىڭ توننا ءدان, 106,5 مىڭ گەكتاردان 233,7 مىڭ توننا مايلى داقىل الىنعان. كارتوپ, كوكونىس جانە باقشا داقىلدارىنىڭ ءتۇسىمى 404,8 مىڭ توننانى قۇرادى. قانت قىزىلشاسىنىڭ 93,9%-ى جينالىپ, 452,2 مىڭ توننا ءونىم ءوندىرىلدى.

اوك-كە 20 ملرد تەڭگەدەن استام ينۆەستيتسيا تارتىلىپ, 2025–2027 جىلدارعا ارنالعان ينۆەستيتسيالىق كارتانىڭ اياسىندا جالپى قۇنى 94,4 ملرد تەڭگەلىك 23 جوبا جۇزەگە اسپاق. بيىل سۋارمالى جەرلەردى قالپىنا كەلتىرۋ بويىنشا 6 جوبا باستالىپ, 23,2 مىڭ گەكتار جەر قايتا اينالىمعا ەنگىزىلەدى. ىلعال ۇنەمدەۋ تەحنولوگيالارىنىڭ اۋقىمى 36,1 مىڭ گەكتارعا جەتتى.

وبلىس قۇرىلعالى بەرى پايدالانىلماعان 1,3 ملن گەكتار جەر انىقتالىپ, ونىڭ 712 مىڭ گەكتارى قايتا اينالىمعا قوسىلدى, 600,4 مىڭ گەكتارى مەملەكەتكە قايتارىلدى.

مال شارۋاشىلىعى دا ءوسىم كورسەتۋدە: مال باسى 2,6 ملن-عا جەتتى. وڭىردە 71 بورداقىلاۋ الاڭى جانە 35 تاۋارلى ءسۇت فەرماسى جۇمىس ىستەيدى, ءۇش ءىرى فەرما قوسىمشا كەڭەيتىلدى. ۆەتەريناريالىق ينفراقۇرىلىم دا كۇشەيتىلىپ, سوڭعى جىلدارى 67 جاڭا نىسان سالىندى.

بيىل اگروسالانى قولداۋعا 64 ملرد تەڭگە بولىنگەن. سونىڭ ارقاسىندا 2025 جىلدىڭ 10 ايىندا اۋىل شارۋاشىلىعىنىڭ جالپى ءونىم كولەمى 403,6 ملرد تەڭگەگە جەتتى.