وبلىستىق توتەنشە جاعدايلار دەپارتامەنتىنىڭ مالىمەتىنشە, ءورت الدىمەن بەكەت اۋماعىندا تۇرعان جۇك كولىگىنەن شىققان, كەيىن جالىن عيمارات شاتىرىنا تاراعان, دەپ حابارلايدى Egemen.kz.
«2025 جىلى 16 قاراشا كۇنى ساعات 16:44-تە سايرام اۋدانى, قاراسۋ اۋىلى, قارابۇلاق تاسجولىنداعى جانار-جاعارماي بەكەتىنىڭ جالپى كولەمى 150 شارشى مەتر عيماراتىنىڭ توبە جاپپاسى جاندى. ءورت ساعات 17:04-دە وقشاۋلانىپ, ساعات 17:23-دە تولىق ءسوندىرىلدى. زارداپ شەككەندەر جوق», دەلىنگەن حابارلامادا.
وقيعا ورنىنا 40 قۇتقارۋشى مەن 9 بىرلىك, سونداي-اق 103 قىزمەتىنىڭ توبى جانە «وڭتۇستىك جارىق ترانزيت» جشس ماماندارى جۇمىلدىرىلعان. قۇتقارۋ جۇمىستارى كەزىندە ءورتتىڭ باسقا نىساندارعا تارالۋىنىڭ الدىن الۋ شارالارى تولىق اتقارىلعان.