تۇراقتىلىق پەن تاتۋلىق

بيىل قوسىمشا 10 شتات ءبولىنىپ, اۋدان جانە قالا دەڭگەيلەرىندە تەولوگ ماماندار تاعايىندالعان. بۇعان دەيىن پانفيلوۆ اۋدانىندا 3 شتاتتىق بىرلىكپەن ارنايى ءبولىم اشىلىپ, ءدىني سالاداعى جاۋاپكەرشىلىك پەن جۇمىستىڭ اۋقىمى ارتا تۇسكەن ەدى. وسىلايشا, باسقارماعا قاراس­تى ء«دىن سالاسىنداعى ماسەلەلەر­دى زەرتتەۋ جانە وڭالتۋ ورتالىعى» كوممۋنالدىق مەكەمەسىنىڭ قۇرى­لىمى كەڭەيىپ, بۇگىندە 6 ءبولىم, ­42 شتاتتىق بىرلىككە جەتتى.

«قازىر وبلىس اۋماعىندا 11 كونفەسسيانى قامتيتىن 269 ءدىني بىرلەستىك پەن فيليال رەسمي تىركەلگەن. وندا 342 ءدىني قىزمەتكەر ەڭبەك ەتەدى, ونىڭ ىشىندە 265-ءى – يمام, 77-ءسى – حريستياندىق جانە وزگە دە ءدىني باعىتتاعى قىزمەتشى. ميسسيونەرلىك قىزمەتكە رۇقسات العان 13 ازامات بار. جىل باسىنان بەرى ولاردىڭ قاتارىنا تاعى 2 ميسسيونەر قوسىلدى. بۇگىندە ولار­دىڭ 11-ءى – شەتەل ازاماتى, ال ەكەۋى – ەل ازاماتى. قىزمەت باعىت­تارى ءار­تۇرلى: 1 – پراۆوسلاۆيە, ­8 – كاتوليتسيزم, 4 – پرەسۆيتەريان­دىق شىر­كەۋ. ايتا كەتەرلىگى, ميسسيو­نەر­لەر تاراپىنان زاڭ بۇزۋ دەرەك­تەرى تىركەلمەدى», دەيدى وبلىستىق ءدىن ىستەرى باسقارماسىنىڭ باسشىسى ساعىنىش جاڭاباي.

كەرىسىنشە, وبلىستىق ءتىل وقۋ-ادىستەمەلىك ورتالىعىمەن بىر­لەسە وتىرىپ, باسقارمانىڭ باستاما­سىمەن ميسسيونەرلەر مەن پرو­تەستانتتىق باعىتتاعى شىركەۋلەردىڭ قىزمەتكەرلەرىنە قازاق ءتىلىن ۇيرەتۋ, ۇلتتىق مادەنيەتتى دارىپتەۋ ءىسى قولعا الىنعان. سونىمەن قاتار بىلىكتى مامانداردى تارتۋ ماقساتىندا 8 يمام ءوڭىر مەشىتتەرىنە قىزمەتكە ورنالاسقان. ودان بولەك, يمامدار كورپۋسىن كاسىبي تۇرعىدا جەتىلدىرۋ ءۇشىن 125 ادامدى قامتىعان ارنايى وقىتۋ كۋرستارى ۇيىمداستىرىلعان.

وڭىردە كونفەسسياارالىق كە­لىسىمدى ساقتاۋ, ونى ودان ءارى نى­عايتۋ ماقساتىندا ءدىني بىرلەستىك جەتەكشىلەرىنىڭ كلۋبى تابىستى جۇمىس ىستەپ كەلەدى. بۇل الاڭ ءتۇرلى ءدىن وكىلدەرىنىڭ باس قوسىپ, وزەكتى ماسەلەلەردى بىرلەسە تالقىلاۋىنا مۇمكىندىك بەرىپ وتىر. كلۋب اياسىندا جىل سايىن جۇزدەگەن مازمۇندى ءىس-شارا ۇيىمداستىرىلادى. نە­گىزگى وتىرىستارمەن قاتار, تاريحي ساپارلار, سپورتتىق سايىستار, «تازا قازاقستان» اكتسياسى ايا­سىن­داعى قوعامدىق جۇمىس پەن اعاش وتىرعىزۋ سياقتى يگىلىكتى باس­تامالارعا ءدىن قىزمەتكەرلەرى بەل­سەندى اتسالىسىپ جاتىر.

مەملەكەت باسشىسى اتاپ وت­كەندەي, وركەنيەتتەر اراسىنداعى باي­لانىستاردى دامىتۋدا, قوعام مەن ادام اراسىنداعى سەنىمدى نى­عايتۋدا ءدىنباسىلاردىڭ ءرولى ايرى­قشا. بۇل باعىتتا جەرگىلىكتى ءدىن جە­تەكشىلەرى دە ءوز جاماعاتتارىمەن ەل بىرلىگى جولىندا ايانباي ەڭبەك ەتىپ كەلەدى.

«جاقىندا «زاڭ جانە ءتارتىپ: قو­عامداعى تۇراقتىلىق پەن ادىل­دىك» اتتى جيىن ءوتتى. كەزدەسۋدە ءدىن­باسىلار جاماعات اراسىندا پات­ريوتتىق تاربيەنى كۇشەيتۋ ماسە­لەسىن تالقىلادى. بۇعان قوسا, تال­دى­قورعان قالاسىنداعى ورتالىق «يمان» مەشىتىندە وتكەن قۇران كارىمدى جاتقا جانە مانەرلەپ وقۋ بويىنشا XIV رەسپۋبليكالىق بايقاۋ بولدى. ەكى كۇنگە سوزىلعان سايىسقا ەلىمىزدىڭ تۇكپىر-تۇكپىرىنەن 80 ۇمىتكەر قاتىسىپ, قۇراننىڭ 10, 20 جانە 30 پاراسىن جاتقا وقۋ جانە مانەرلەپ وقۋ بويىنشا باق سىنادى. بايقاۋدىڭ سالتاناتتى اشىلۋىنا باس ءمۇفتي ناۋرىزباي قاجى تاعان ۇلى ارنايى كەلىپ, قا­تىسۋشىلارعا ساتتىلىك تىلەپ, ۇزدىك شىققان جەڭىمپازداردى ماراپاتتادى», دەيدى س.جاڭاباي.

باس ءمۇفتي جەتىسۋعا ساپارى بارىسىندا وبلىستىڭ يمامدار قاۋىمىمەن كەزدەسىپ, قمدب-نىڭ 35 جىلدىق مەرەيتويىنا وراي ءدىن سالاسىندا ۇزاق جىلدار بويى ابىرويلى ەڭبەك ەتكەن يمامدار­دى مەرەكەلىك مەدالدەرمەن مارا­پاتتاعان. سونداي-اق ءوڭىردىڭ ايگىلى بيلەرى مەن باتىرلارىنىڭ رۋحى­نا قۇران باعىشتاپ, قاسيەتتى ورىن­دارعا زيارات جاسادى.

جاقىندا تالدىقورعاندا ەل تاريحىندا تۇڭعىش رەت «رۋحاني كەلى­سىم جولى: سەزد يدەيالارىن جۇزەگە ­اسىرۋ» تاقىرىبىندا ءدىن­تانۋشىلار مەن ءدىني بىرلەستىكتەر جەتەكشىلەرى­نىڭ رەسپۋبليكالىق فورۋمى ءوتتى. ­بۇل جيىن – الەمدىك جانە ءداستۇرلى دىن­دەر كوش­باس­شىلارىنىڭ VIII سە­زىن­دە كوتە­رىلگەن يدەيالاردى ەل ىشىن­دە نا­سيحاتتاۋعا ارنالعان ماڭىز­­دى باسقوسۋ بولدى. وندا ەلىمىزدەگى ءدىني كەلىسىم مەن تۇراقتىلىقتى ودان ءارى نىعايتۋ, ءدىني ساياساتتاعى عىلىمي-پراكتيكالىق تاجىريبەنى جەتىلدىرۋ ماسەلەلەرى تالقىلاندى.

«جىل باسىندا وبلىستىق اق­پا­راتتىق-ءتۇسىندىرۋ توبىنىڭ (اتت) قۇرامى قايتا جاساقتالىپ, جۇ­مىس ساپاسىن ارتتىرۋ ءۇشىن مۇ­شە­لەر سانى 67-دەن 55-كە دەيىن قىس­قارتىلدى. بۇل وزگەرىس ماماندار قۇرامىنىڭ كاسىبيلىگى مەن تيىمدىلىگىن ارتتىرۋعا باعىتتال­دى. 2023–2025 جىلدارعا ارنالعان ­ەكسترەميزم مەن تەرروريزمگە قار­سى ءىس-قيمىلدىڭ كەشەندى جوس­پا­رى اياسىندا وبلىس كولەمىندە 4 576 ءىس-شارا وتكىزىلدى. ولارعا شامامەن ­96 مىڭنان اسا تۇرعىن قامتىلدى, ­ونىڭ ىشىندە 3 714 كەزدەسۋ تاۋەكەل ­توپ­تار اراسىندا ۇيىمداستى­رىل­دى», دەيدى باسقارما باسشىسى.

بۇگىندە ءدىن ىستەرى باسقارما­سى جانىنداعى ورتالىق بازاسىندا قۇرىلعان «JetisuLive» ستۋديا­سى ءوز جۇمىسىن جالعاستىرىپ جاتىر. جىل ىشىندە ستۋديادا ءتۇرلى تاقى­رىپتاردى قامتىعان 42 پودكاست ءتۇسىرىلىپ, ولار «YouTube» ۆيدەو­حوس­تينگىندەگى «JetisuDin» ارناسىنا جۇكتەلدى. بۇعان قوسا «بابالار ىزىمەن – ىزگىلىككە باستاۋ», «قىلىشسىز مايدان» باعدارلامالارى مەن «اباي ءۇنى» ايدارى اشىلىپ, جۇزدەن اسا بەينەماتەريال كورەرمەنگە جول تارتتى. «قىلىشسىز مايدان» تەلەجوباسى «جەتىسۋ» تەلەارناسىمەن بىرلەسىپ ازىرلەنىپ, وبلىس حالقىنىڭ شامامەن 70 پايىزىن قامتىدى. بۇقارالىق اقپارات قۇرالدارى دا ءدىني باعىتتاعى اقپاراتتىق جۇ­مىستان تىس قالعان جوق. جىل ىشىندە 180 ماقالا جارىق كوردى.

Facebook, TikTok, Instagram جەلى­لەرىندەگى رەس­مي پاراقشالار مەن 87 مىڭنان اسا جازىلۋشىسى بار «JetisuDin» YouTube ارناسىندا تۇراقتى تۇردە اقپاراتتىق ماتەريالدار جاريالانىپ كەلەدى. وندا 2 939 ماتەريال جۇكتەلگەن. جىل باسىنان بەرى تۇرعىندارعا 6 104 SMS حابارلاما جىبەرىلىپ, 1 106 قوڭىراۋ شالىندى. سونىڭ ناتيجەسىندە 1 158 قولدانۋشى كۇماندى توپتاردان شىققان.

ءبىر اتتەگەن-ايى, وڭىردە جەكە پاراقشالارىندا راديكالدى يدەو­لوگيانى اشىق ناسيحاتتاعان 7 ازامات انىقتالعان. ونىڭ ەكەۋىنە اكىمشىلىك قۇقىق بۇزۋشىلىق تۋرالى كودەكستىڭ 453-بابى, 2-تارماعى بويىنشا ايىپپۇل سالىنعان. ءۇش ازامات ءوز ەركىمەن پاراقشالارىن جويىپ, ەكەۋى وزگە وڭىرلەرگە قونىس اۋدارعان. بۇدان بولەك, «كيبەرقاداعالاۋ» جۇيەسىنە 3 065 پاراقشا بۇعاتتاۋعا جولدانىپ, ونىڭ 573-ءى تولىق بۇعاتتالعان.

جالپى, جەتىسۋ توپىراعى – ەجەلدەن رۋحانياتتىڭ, تاتۋلىق پەن توزىمدىلىكتىڭ مەكەنى. وسىنداي يگى شارالار مەن ءوزارا تۇسىنىستىككە نەگىزدەلگەن جۇيەلى جۇمىستاردىڭ ناتيجەسىندە وڭىردە ءدىني تۇراق­تىلىق ساقتالىپ, رۋحاني كەلىسىمنىڭ تۋى بيىكتەن جەلبىرەپ كەلەدى.

جەتىسۋ وبلىسى