1919 جىلدىڭ قاڭتارىندا اقش-تىڭ بوستون قالاسىندا تاريحتاعى ەڭ ەرەكشە اپات بولعان. كوشەلەردى سۋ ەمەس, ءتاتتى ءشاربات باسىپ كەتەدى.
قالاداعى «Purity Distilling Company» كومپانياسىنا تيەسىلى 8,7 ميلليون ليتر ءشاربات ساقتالعان بيىكتىگى 15 مەترلىك بولات رەزەرۆۋار قىسقى توڭ جىبىگەندە, قىسىمى كوتەرىلىپ, بولات قابىرعالارى شىداماي, جارىلىپ كەتەدى. ءاپ ساتتە قالانىڭ ورتالىعىنا قاراي 4 مەترگە دەيىن تولقىنمەن ءتاتتى تاسقىن باستالادى. جىلدامدىعى ساعاتىنا 55 شاقىرىمعا دەيىن جەتكەن. ۇيلەر قيراپ, ۆاگوندار مەن اربالار اۋدارىلادى. وقيعا سالدارىنان 21 ادام قازا تاۋىپ, جۇزدەن استام ادام جاراقات الادى.