جىلىجاي ءىسىن ىلگەرىلەتەتىن باستاما

ءبورلى اۋدانىندا تاعى 15 تۇرعىن جىلىجاي سالۋعا گرانت ۇتىپ الىپ, «Batys AgroHub» جوباسىنىڭ ەكىنشى لەگىنە قوسىلدى. جەڭىمپازداردىڭ باسىم بولىگى – اقساي مەن پۋگا­چيوۆو اۋىلدارىنىڭ تۇرعىندارى, سونداي-اق قىزىلتال, ارالتال, اقسۋ جانە ءبورلى ەلدى مەكەندە­رىنەن دە بار.

«Batys AgroHub» جوباسى 2024 جىلعى قاراشادا قاراشىعاناق پەترولەۋم وپەرەيتينگ ب.ۆ كون­سور­تسيۋمىنىڭ اكتسيونەرلەرى – «شەلل قازاقستان» مەن «ەني» كومپانيالارىنىڭ قولداۋىمەن باستالعان ەدى. جوبانى ورتا­لىق ازيانىڭ ەۋرازيا قورى مەن الماتى وبلىسىنداعى ەڭبەكشى­قازاق اۋداندىق قوعامدىق قورى بىرلەسىپ جۇزەگە اسىرىپ جاتىر. بۇل جوبانىڭ ماقساتى – ءبورلى اۋدانى تۇرعىندارىنا جىلىجاي شارۋاشىلىعىن دامىتۋعا كومەكتەسۋ, وتباسىلاردىڭ تابىسىن ارتتىرۋ جانە ءوڭىردىڭ ازىق-ت ۇلىك قاۋىپسىزدىگىن نىعايتۋ.

جوباعا قاتىسۋشىلارعا تا­جى­­­ريبەلى اگرونومدار مەن كە­ڭەس­­­شىلەر كومەك كورسەتەدى. ولار جىلىجاي ءىسىن جۇرگىزۋ, ءونىم­­دى ساتۋ جانە ماركەتينگ ماسە­لەسىن ۇيرەتىپ قانا قوي­ماي, بيزنەس-جوسپار قۇرۋعا كومەك­تەسەدى. باسقا وڭىرلەرگە ءىسسا-پار ۇيىمداستىرىپ, تاجىريبە الماس­تىرادى. بيىل كوكتەمدە بورلىلىك العاشقى ون تۇرعىن ءوز جىلىجايىن سالىپ, «باتىس اگروونiم» برەندىمەن كوكونىس ساتا باستادى. وتكەن جازدا ولار الماتى وبلىسىنا بارىپ, ارىپتەس­تەرىنەن جاڭا تاجىريبە الدى.

«Batys AgroHub» جوبا­سى­نىڭ ەكىنشى لەگىنە قىزىعۋ­شىلىق جوعارى بولدى. ۇيىم­داستىرۋشىلاردىڭ ايتۋىنشا, 100-دەن استام ادامنان ءوتىنىش تۇسكەن. بايقاۋ قورىتىندىسىندا ەكى كۇندىك ينتەنسيۆ تاجىريبە مەن ساراپشىلاردىڭ ونلاين-وقۋىنان وتكەن 15 قاتىسۋشى ىرىك­تەلدى. قازىلار القاسى بيىلعى دايىندىق دەڭگەيى وتە جوعارى دەپ وتىر. جوباعا قاتىسۋعا نيەت بىلدىرگەن ۇمىتكەرلەردىڭ ءبىرازى جىلىجاي ىسىندە قانداي دا ءبىر تاجىريبەدەن وتكەن ەكەن. ال بۇل – تابىس كەپىلى بولارى انىق.

بۇگىندە وسى جوبانىڭ ارقا­­سىندا وڭىردە جىلىجاي ىسىمەن اي­نا­­لىساتىن جاندار جىل سا­يىن كو­بەيىپ كەلەدى. بۇل ءبورلى اۋدانى تۇر­عىندارىنا مول ءونىم الىپ, تۋعان جەردە ءوز الەۋەتىن جۇ­زەگە اسىرۋعا جاڭا مۇمكىندىك بەرەدى.

باتىس قازاقستان وبلىسى