سيەتل قالاسىندا ورنالاسقان «Seneca» ستارتاپ-كومپانياسى الەمدەگى العاشقى تولىقتاي اۆتونومدى اۋە ءورت ءسوندىرۋ جۇيەسىن ۇسىندى.
كومپانيا جاساپ شىعارعان دروندار ءورت سوندىرەتىن ارنايى قوسپالاردى جوعارى قىسىممەن جەتكىزىپ, جالىندى ساناۋلى مينۋتتاردا سوندىرە الادى. مۇنداي ءتاسىل ءورتتىڭ كەڭ اۋماققا تارالۋىنىڭ الدىن الىپ, تابيعي اپاتتاردىڭ زاردابىن ەداۋىر ازايتادى. جاقىندا «Seneca» كومپانياسى 60 ميلليون اقش دوللارى كولەمىندە ينۆەستيتسيا تارتقان. بولاشاقتا بۇل تەحنولوگيا تولىعىمەن دەربەس جۇيەگە اينالۋى مۇمكىن. ياعني سپۋتنيكتىك دەرەكتەر مەن ايماقتىق مونيتورينگ جۇيەلەرىنىڭ مالىمەتتەرى نەگىزىندە اۆتوماتتى تۇردە ارەكەت ەتىپ, ءورتتى لەزدە سوندىرەتىن دەڭگەيگە جەتپەك.